სიახლეები

          • 📖 მკითხველთა კლუბი

          • ქართულ-გერმანულ სკოლა სხივში ფუნქციონირებს მკითხველთა კლუბი, სადაც მოსწავლეებს საშუალება აქვთ წაიკითხონ დონის შესაბამის წიგნი, მოთხრობა უცხო ენაზე.

            მე-7, მე-8, და მე-9 კლასის მოსწავლეებმა წაიკითხეს დონის განმსაზღვრელი ო ჰენრის მოკლე მოთხრობა"უკანასკნელი ფოთოლი". მოთხრობის დასრულების შემდეგ მოსწავლეებმა იმსჯელეს მოთხრობის გარშემო და მოაწყვეს დისკუსიები. აგრეთვე, მოეწყო ფილმის ჩვენებაც ამავე სახელწოდების მოთხრობაზე.

          • ♟ მოსწავლეებისა და მშობლების გუნდური ჩემპიონატი ჭადრაკში

          • ქართულ-გერმანულ სკოლა სხივში დასრულდა გუნდური ჩემპიონატი ჭადრაკში, სადაც მონაწილეობას იღებდა ჩვენი სკოლის მოსწავლეები და მათი მშობლები.

             

            საპრიზო ადგილები განაწილდა შემდეგნაირად:

            I ადგილი- ანასტასია მესხია და გიორგი მესხია

            II ადგილი- დემეტრე მანველიშვილი და თამუნა სამარჯიშვილი

            III ადგილი- ალექსანდრე ხუნდაძე და ნანა ფარულავა

            ვულოცავთ მოსწავლეებსა და მშობლებს გამარჯვებას, ვუსურვებთ წარმატებებს!

          • მშობლიური ენის საერთაშორისო დღე

          • ყოველწლიურად 21 თებერვალს აღინიშნება მშობლიური ენის საერთაშორისო დღე. მშობლიური ენად მოიაზრება ენა, რომელსაც ადამიანი ბავშვობის ასაკში ფორმალური გაკვეთილის გარეშე სწავლობს. მეოთხე ა და ბ კლასის მოსწავლეები გაეცნენ მშობლიური ენის საერთაშორისო დღის დაარსების შესახებ ისტორიას და ამ თარიღის აღსანიშნავად თავადაც დაგეგმეს სხვადასხვა აქტივობები. მასწავლებელი - თეკლა კაპანაძე

            Jährlich findet am 21. Februar der Internationale Tag der Muttersprache statt. Als Muttersprache bezeichnet man die Sprache, die man von Kind auch ohne formalen Unterricht erlernt. Die Schüler*innen aus der vierten Klasse haben die Geschichte von diesem Tag kennengelernt und haben dabei mehrere Aktivitäten gemacht.

            Die Lehrerin - Tekla Klapanadze

            ვიდეოს სანახავად გადადით ბმულზე

          • მე-💯 საიუბილეო გაკვეთილი მათემატიკაში

          • ჩვენი სკოლის II ა კლასში საზეიმო ვითარებაში ჩატარდა მე-100 საიუბილეო გაკვეთილი მათემატიკაში. გაკვეთილის მიზანი იყო : მოტივაციისა და განწყობის ამაღლება მოსწავლეებისთვის, ნასწავლი მასალის შეჯამება, ჯგუფური უნარ-ჩვევების დაუფლება-განმტკიცება, თალსაწიერის გაფართოება.

            მოსწავლეებმა გაკვეთილზე შეასრულეს მათემატიკის სამყაროდან მოსული სტუმრის „სამკუთხედას“ მიერ მოწოდებული მრავალფეროვანი სახალისო, არასტანდარტული დავალებები, იმხიარულეს.

            გაკვეთილის ბოლოს კი დასაჩუქრებული ბავშვები ხალისით უზიარებდნენ ერთმანეთს შთაბეჭდილებებს.

            ვიდეოს სანახავად გადადით ბმულზე

          • ჯანმრთელობის მსოფლიო დღე ჩვენს სკოლაში!

          • ქართულ–გერმანული სკოლის პირველი კლასის მოსწავლეები ჯანმრთელობის მსოფლიო დღეს საინტერესო აქტოვოვებით გამოეხმაურნენ. მოსწავლეებმა დამრიგებელთან და სკოლის ექიმთან ერთად განიხილეს პირველადი დახმარების აღმოჩენის დროს ყველაზე ხშირად დაშვებული შეცდომები და ასევე სწორი გზები. მოსწავლეებმა სხვადასხვა შემთხვევების ინსცენირებით სკოლის მოსწავლეებსა და მასწავლებლებს ნათლად დაანახეს პირველადი დახმარების სწორი გზები.

             

            #ჯანმრთელობისმსოფლიოდღე

             

          • კულტურული გლობალიზაცია

          • სკოლაში მე-11 კლასმა ჩაატარა ღონისძიება "კულტურული გლობალიზაცია", რომლის მიზანი იყო სასკოლო საზოგადოებისათვის მსოფლიო კულტურის გაცნობა. მოსწავლეებმა წარმოადგინეს სხვადასხვა ქვეყნების ისტორია, კულტურა, რელიგია, მოდა, კულინარია და  ტრადიციები, .

            ღონისძიებას ორგანიზება გაუწია გეოგრაფიის მასწავლებელმა, Cercvadze Natia ნათია ცერცვაძემ.

            ვიდეოს სანახავად გადადით ბმულზე

          • 📌 პი რიცხვის საერთაშორისო დღე

          • ქართულ-გერმანულ სკოლა ,,სხივში’’ 31 მარტს VIII კლასში ჩატარდა ღია გაკვეთილი თემაზე ,,პი რიცხვის საერთაშორისო დღე“. გაკვეთილი სხვადასხვა აქტივობებით იყო დატვირთული.

            პედაგოგმა შორენა ჯავახიშვილმა მოსწავლეებს შესთავაზა PowerPoint-ის პროგრამაში გაკეთებული პრეზენტაცია, ასევე მოსწავლეებმა წარმოადგინეს პრეზენტაციები: ,პი რიცხვის წარმოშობის ისტორია’’, ,,პი რიცხვის განვითარების პერიოდები: გეომეტრიული, კლასიკური, კომპიუტერული’’; ,,პი რიცხვის შეცვლა სურთ’’; ,,პი რიცხვი ჩვენს ირგვლივ: მუსიკა, ფილმი, პოეზია’’...

            მოისმინეს დევიდ მაკდონალდსის მიერ შექმნილი მუსიკა პი რიცხვზე: როგორ ჟღერს პი რიცხვი და დაიგეგმა დარენ არანოფსკის ფილმის ჩვენება მაქსიმილიან კოენზე.

            ბავშვებმა თავი გამოიჩინეს როგორც ინდივიდუალური, ასევე ჯგუფური და და წყვილებში მუშაობით. მიიღეს მონაწილეობა კონკურსში: ,,ვინ დაიმახსოვრებს პის ყველაზე მეტ ციფრს’’. კონკურსში პირველ, მეორე და მესამე ადგილზე გასულმა მოსწავლეებმა მიიღეს სამახსოვრო საჩუქრები პედაგოგისგან.

            პირველ ადგილზე გასულმა მოსწავლემ ასრათ ხალილოვმა უშეცდომოდ დაასახელა მძიმის შემდეგ 95 ციფრი,

            მეორე ადგილზე გასულმა შეიმა დემირმა - 70 ციფრი, ხოლო მესამე ადგილზე გასულმა ანამარი დუმბაძემ -65ციფრი.

            მოსწავლეები აქტიურად და მონდომებით ჩაერთვნენ პრაქტიკულ მუშაობაში: შეავსეს კროსვორდი, შეეცადნენ გამოეთვალათ პის მნიშვნელობა რაც შეიძლება მეტი სიზუსტით (ამისათვის გამოიყენეს CD დისკი), ამოხსნეს ამოცანები, სადაც გამოთვალეს წრეწირის სიგრძე, ფართობი,წრეწირის ირგვლივ განლაგებული ციფრები ისე დააჯგუფეს, რომ ნებისმიერი ორი მეზობელი რიცხვის ჯამი ტოლი ყოფილიყო მოპირდაპირე ბოლოებზე მყოფი რიცხვების ჯამისა.......

            გაკვეთილის მიზანი იყო მოსწავლეებში სხარტი აზროვნებისა და ჯგუფური მუშაობის უნარების განვითარება; მეტი ინტერესის გაღვივება მათემატიკის მიმართ; ცოდნისა და უნარ–ჩვევების გამოყენება სხვადასხვა სიტუაციაში; კომუნიკაციის უნარების განვითარება. მოსწავლეებმა შეძლეს შეძენილი მათემატიკური ცოდნის რეალიზება.

            გაკვეთილი სასიამოვნო სიურპრიზით დასრულდა

            სურათების დათვალიერება

          • ლიტერატურული კონკურსი - „თავისუფლების მწერლები“

          • ლიტერატურული კონკურსი - „თავისუფლების მწერლები“

            მიზანი: მოსწავლეთა აქტიური სასკოლო ცხოვრების ხელშეწყობა და შემოქმედებითი უნარების განვითარება.

            ორგანიზატორები: IX-ბ კლასის მოსწავლეები: ელენე სებისკვერაძე და ელენე მცხვეთაძე

            ჟიურის წევრები: ნანა ყანჩაველი, მარიტა დეკანოიძე, გიორგი მიქაბერიძე, ნია ანანიძე

            ასაკობრივი ჯგუფი: IV,V,VI კლასის მოსწავლეები

            კონკურსი ორ ეტაპად წარიმართა:

            I -ტური

            ქართული ანიმაციური ფილმების პოპულარიზაციის მიზნით, მოსწავლეებს, „ბომბორას“ ერთ-ერთი ეპიზოდის მიხედვით, ლიტერატურული თხზულებები უნდა შეექმნათ.

            ჟიურიმ 10 ფინალისტი გამოავლინა.

            II - ტური

            არა ომს! - მსოფლიოში მიმდინარე აქტუალური საკითხები ყურადღების მიღმა არ უნდა რჩებოდეს. სოლიდარობა - ცივილიზებულ სამყაროში ადამიანთა ურთიერთობების უპირობო ფორმაა.

            მოსწავლეებმა წერილის ფორმატით დააფიქსირეს და გამოხატეს საკუთარი პოზიცია თუ თვალთახედვა.

            კონკურსის შედეგები: გამარჯვებულები სამ ნომინაციაში გამოვლინდნენ:

            * ანალიტიკური წერილი - ქეთი შუბლაძე

            * ემოციური მიმართვა - ანა ხუჭუა

            * ყველაზე პატარა მხარდამჭერი - შირინ სალაროვა

            სკოლის დირექციით სახელით, მონაწილეებს სერტიფიკატები და საჩუქრები გადაეცათ

            სურათების დათვალიერება

          • ❤ პროექტი - აჩუქე წიგნი თანატოლს

          • შაბათს, 12 მარტს ვესტუმრეთ ბავშვთა სახლს. მეშვიდე კლასელთა მიერ შეგროვებული წიგნები გადავეცით ბენეფიციარებს. დიდი მადლობა ორგანიზატორებს და თითოეულ იმ ადამიანს ვინც ნებისმიერი ფორმით, მიიღო მონაწილეობა აღნიშნულ აქტივობაში.

            #სხივი

            #აქტიურობა

            #მეტიპოზიტივი

            #თვითმმართველობა

            ქართულ-გერმანული სკოლა სხივის, მეშვიდე კლასელთა ახალი პროექტი რომელიც მიზნად ისახავდა სხვადასხვა საინტერესო და შემეცნებითი ხასიათის წიგნების შეგროვებას, დახარისხებას და თანატოლებისთვის უსასყიდლოდ გადაცემას.

             მოსწავლეებმა 10 თებერვლიდან 25 თებერვლის ჩათვლით შეაგროვა  წიგნები 8-დან 18-წლამდე მოზარდებისთვის. პროექტის ორგანიზატორები ესტუმრნენ ერთ-ერთ ბავშვთა სახლს სადაც თანატოლებს მოუწყვეს  მცირე ბიბლიოთეკა.

            პროექტის ხელმძღვანელები - 7-ა კლასის მოსწავლეები: ანასტასია კიკნაძე, იაკობ ძიძიგური, დავით ქამადაძე.

          • ❤ გვახარებს ნიკას წარმატებები ♟

          • თბილისის ჭადრაკის სასახლეში დასრულდა საქართველოს სასკოლო ჩემპიონატი კადეტთა შორის.

            9 წლამდე ჩემპიონატის სუპერფინალში ნიკა წულაიამ დამსახურებულად მოიპოვა საქართველოს სასკოლო ჩემპიონატის გამარჯვებულის ტიტული!

            ვულოცავთ ნიკას ამ დიდ გამარჯვებას და ასევე ევროპის სასკოლო პირველობაზე საგზურის მოპოვებას!

            ჩემპიონატი 20-30 აპრილს, საბერძნეთში გაიმართება.

            წარმატებები ნიკას !

             

          • 🌺 გილოცავთ ქალთა საერთაშორისო დღეს!

          • ძვირფასო ქალბატონებო, გილოცავთ ქალთა საერთაშორისო დღეს! ბედნიერები, წარმატებულები, სიცოცხლითა და სიყვარულით სავსენი ყოფილიყავით! გისურვებთ, ყოველი დღე გაზაფხულივით ფერადი და ნათელი გქონოდეთ! ​​​​​​​

          • 🌺 Bald kommt der Muttertag

          • Bald kommt der Muttertag.In Georgien feiert man diesen Tag am 3 März.In den 6 a und b Klassen haben die Schüler ihrer Mutter einen Brief gewidmet.Sie haben ihrer Mutter herzlich gratuliert.Sie wollen ,dass alle Mütter in der ganzen Welt glücklich wären.

            მალე დადგება დედის დღე, რომელსაც 3 მარტს აღვნიშნავთ.

            მე 6 ა და ბ კლასის მოსწავლეებმა დედიკოებს წერილი მიუძღვნეს, გულით მიულოცეს. ბავშვების სურვილია, რომ ყველა დედა მსოფლიოში ბედნიერი იყოს.

            Die Lehrerin Natia Zhgenti.

            7