ვულოცავთ ჩენი სკოლის მოსწავლე ნიკა წულაიას ევროპის სასკოლო პირველობაში ლიდერების სიაში შესვლას და გუნდურად მესამე ადგილის დაკავებას.
შედეგებით ნიკა წელს მსოფლიო ჩემპიონატზე მიიღებს მონაწილეობას.
წარმატებებს ვუსურვებთ ჩვენ საამაყო მოსწავლეს !
საბერძნეთის როდოსში ჩატარდა ევროპის სასკოლო პირველობა, რომელშიც მონაწილეობა მიიღო ჩვენი სკოლის მოსწავლე ნიკა წულაიამ.
თურმე წლების შემდეგ შეხვედრებს უფრო მეტი ხიბლი ჰქონია და გახსენებული ისტორიებიც უფრო შთამბეჭდავად ხვდება ყურთასმენას. ასეთი ელფერი შესძინა ქართულ- გერმანულ სკოლა ,,სხივს’’2019-2020 და 2020-2021 წლის კურსდამთავრებულთა სტუმრობამ.
ითქვა მონატრებად ქცეული ბევრი მოგონება და ხუმრობა, ამბავი და თავგადასავალი.
სასიამოვნო საღამო კი სკოლის დამამთავრებელი საუცხოო ფლაგეტის გადაცემამ დააგვირგვინა.
წარმატებები ყველა კურსდამთავრებულს!
V-XI კლასის მოსწავლეთა საყურადღებოდ!
მათთვის ვისაც სურს მონაწილეობა მიიღოს Teeneagle -ის ( ინგლისური ენის ) ოლიმპიადაზე
გაცნობებთ რომ რეგისტრაციის დასრულებამდე დარჩა 2 დღე.
,,დედა ენის’’ კვირეულის ფარგლებში 21 აპრილს, კორნელი კეკელიძის სახელობის ხელნაწერთა ეროვნულ ცენტრს სტუმრად ეწვივნენ შპს ქართულ-გერმანული სკოლა სხივის პირველკლასელები. (დამრიგებელი: ეკა ლომთათიძე)
მოსწავლეებმა დაათვალიერეს უძველესი ხელნაწერები, ჩაერთვნენ ვორქშოფში სახელწოდებით „დაბეჭდე დედა ენა“, გაეცვნენ წიგნის ბეჭდვის ტექნიკას. მელნისა და საგანგებოდ მომზადებული რეკვიზიტების მეშვეობით, თავად "დაბეჭდეს" "დედა ენის" 2 გვერდი.
აქტივობა მიზნად ისახავდა:
• მშობლიური ენის სიყვარულს.
მოსწავლეები ხალისით ჩაერთვნენ დაგეგმილ საინტერესო აქტივობაში.
14 აპრილს საქართველოში დედაენის დღე აღინიშნება
ეს დღე 1978 წლის მოვლენების აღსანიშნავად 1990 წლიდან დაწესდა.
პირველკლასელებს მასწავლებელი ესაუბრა დედაენის მნიშვნელობის შესახებ და 14 აპრილს ბავშვები ესტუმრნენ დედაენის ბაღს და ყვავილებით შეამკეს დედაენის ძეგლი. ბავშვებმა მცირე წვლილი შეიტანეს ამ ლამაზი დღის აღნიშვნაში.
აქტივობა მიზნად ისახავდა:
• მშობლიური ენის სიყვარულს.
მოსწავლეები ხალისით ჩაერთვნენ დაგეგმილ საინტერესო აქტივობაში.
27 აპრილს, 13:30 სთ-დან 15:00 სთ-მდე, სკოლაში იმართება საქველმქმედო აქცია, რომელიც გულისხმობს ჩვენი სკოლის მოსწავლეების, მასწავლებლებისა და მშობლების ჩართვას სოციალურ აქტივობებსა და ქველმოქმედებაში;
✅ თითოეული მოქალაქისა და ახალგაზრდის ჩართვა შექმნის მოძრაობის ფართო ქსელს დაუცველი ბავშვების, მოხუცებისა და/ან ოჯახების დასახმარებლად;
✅ ჩვენი სკოლის თითოეული კლასი დამრიგებელთან და მოხალისესთან ერთად (მოხალისე შეიძლება იყოს ვთქვათ, მშობელი) მოაწყობს კუთხეს, სადაც გამოფენს შეგროვებულ და გასაყიდად მზა ნივთებს.
✅ნებისმიერი თქვენთაგანის სტუმრობა თავისთავში გულისხმობს არა მარტო ქველმოქმედებაში წვლილის შეტანას, არამედ ჩვენი მოსწავლეების სტიმულსა და მოტივაციას, რომელიც მათ ტოლერანტობისა და უანგარო სიკეთის კეთების უნარ–ჩვევებს გაუძლიერებს;
საქველმოქმედო აქციაზე ბევრი საინტერესო ნივთი იქნება წარმოდგენილი.
#ერთადვაკეთოთკეთილისაქმე
#უანგაროდგავცეთსიკეთე
#ვიყოთტოლერანტები
#ქართულგერმანულისკოლასხივი
საბერძნეთის როდოსში სტარტს აიღებს ევროპის სასკოლო პირველობა, რომელშიც მონაწილეობას მიიღებს ჩვენი საამაყო მოსწავლე ნიკა წულაია.
წარმატებებს ვუსურვებთ ნიკას !
Ostern in Deutschland ist ein schönes Fest.Es gibt viele Symbole ,die sehr wichtig in Deutschland sind.Zum Beispiel Osterhase,Süssigkeiten,Lamm,Kerzen,Palmkätzchen u.s.w.
Die Schüler von der 7 Klasse haben Ostern in unserer Schule gefeiert.Sie versteckten die Süssigkeiten und die Schüler von den 6 a und b Klassen suchten und fanden sie.Dann tanzten und spielten sie zusammen.Der Tag war sehr lustig,angenehm und unvergesslich für die Kinder.
Die Lehrerin Natia Zhgenti
ქართული მარტო ენაა?! -
ქართული ქართველთ რწმენაა!
ღმერთია!
ბედისწერაა!
ზღვა როა! -
იმოდენაა!
ქართული ენის დღესთან დაკავშირებით აქტიურად ჩაერთო Iბკლასი .
მოსწავლეებმა გამოამჟღავნეს კრეატიულობა, შემოქმედებითი უნარები: შექმნეს ჩანახატები ასო-ბგერებზე. მასწავლებლის დახმარებით დაამზადეს ფორმატი დედაენის დღისადმი მიძღვნილი ლექსებითა და არა ბარბარიზმებს.
VIIIა კლასის მოსწავლეებმა დედაენის დღის აღსანიშნად შექმნეს ორიგინალური ხელნაწერები. მათ შეისწავლეს ძველი ქართული ხელნაწერების ისტორია და სცადეს, თავიანთი ნამუშევრები მათთვის მიემსგავსებინათ.
გარდა ამისა, შეისწავლეს XII საუკუნეში შექმნილი გენიალური პოემა "ვეფხისტყაოსანი" და სწორედ მისი ტექსტი გადაიტანეს ფურცლებზე.
კონკურსის საფუძველზე გამოვლენილ პირველ და მეორე ადგილზე გასულ მოსწავლეებს გადაეცათ სერტიფიკატები.
I ა კლასის მოსწავლეებმა (დამრიგებელი ეკა ლომთათიძე) ქართული ენის გაკვეთილზე საინტერესო და სახალისო აქტივობა დაგეგმეს. საგაკვეთილო პროცესის დროს მოსწავლეებმა ანბანის ასო-ბგერები ჩაწერეს, ჩანახატით გააფორმეს და ისაუბრეს თავიან არჩევანზე. აქტივობის ბოლოს გაცოცხლებული ანბანის ასოებით კი საკლასო ოთახი გაალამაზეს.
ქართულ-გერმანულ სკოლა სხივში ფუნქციონირებს მკითხველთა კლუბი, სადაც მოსწავლეებს საშუალება აქვთ წაიკითხონ დონის შესაბამის წიგნი, მოთხრობა უცხო ენაზე.
მე-7, მე-8, და მე-9 კლასის მოსწავლეებმა წაიკითხეს დონის განმსაზღვრელი ო ჰენრის მოკლე მოთხრობა"უკანასკნელი ფოთოლი". მოთხრობის დასრულების შემდეგ მოსწავლეებმა იმსჯელეს მოთხრობის გარშემო და მოაწყვეს დისკუსიები. აგრეთვე, მოეწყო ფილმის ჩვენებაც ამავე სახელწოდების მოთხრობაზე.
14 აპრილი დედაენის დღეა, რომელიც საქართველოში 1990 წლიდან აღინიშნება.
დედაენის კვირეულს ქართულ–გერმანული სკოლის მე–5 კლასის მოსწავლეებიც შეუერთდნენ. ქართული ენისა და ლიტერატურის გაკვეთილზე მოსწავლეებმა ანბანის საშუალებით საქართველოს ისტორია მოგვითხრეს და საინტერესო პრეზენტაციას მხედრული ანბანის მრავალფეროვანი ჩანახატებიც დაურთეს.
მასწავლებელი: ლელა ხათრიძე
ქართულ-გერმანულ სკოლა სხივში დასრულდა გუნდური ჩემპიონატი ჭადრაკში, სადაც მონაწილეობას იღებდა ჩვენი სკოლის მოსწავლეები და მათი მშობლები.
საპრიზო ადგილები განაწილდა შემდეგნაირად:
I ადგილი- ანასტასია მესხია და გიორგი მესხია
II ადგილი- დემეტრე მანველიშვილი და თამუნა სამარჯიშვილი
III ადგილი- ალექსანდრე ხუნდაძე და ნანა ფარულავა
ვულოცავთ მოსწავლეებსა და მშობლებს გამარჯვებას, ვუსურვებთ წარმატებებს!
ყოველწლიურად 21 თებერვალს აღინიშნება მშობლიური ენის საერთაშორისო დღე. მშობლიური ენად მოიაზრება ენა, რომელსაც ადამიანი ბავშვობის ასაკში ფორმალური გაკვეთილის გარეშე სწავლობს. მეოთხე ა და ბ კლასის მოსწავლეები გაეცნენ მშობლიური ენის საერთაშორისო დღის დაარსების შესახებ ისტორიას და ამ თარიღის აღსანიშნავად თავადაც დაგეგმეს სხვადასხვა აქტივობები. მასწავლებელი - თეკლა კაპანაძე
Jährlich findet am 21. Februar der Internationale Tag der Muttersprache statt. Als Muttersprache bezeichnet man die Sprache, die man von Kind auch ohne formalen Unterricht erlernt. Die Schüler*innen aus der vierten Klasse haben die Geschichte von diesem Tag kennengelernt und haben dabei mehrere Aktivitäten gemacht.
Die Lehrerin - Tekla Klapanadze
ჩვენი სკოლის II ა კლასში საზეიმო ვითარებაში ჩატარდა მე-100 საიუბილეო გაკვეთილი მათემატიკაში. გაკვეთილის მიზანი იყო : მოტივაციისა და განწყობის ამაღლება მოსწავლეებისთვის, ნასწავლი მასალის შეჯამება, ჯგუფური უნარ-ჩვევების დაუფლება-განმტკიცება, თალსაწიერის გაფართოება.
მოსწავლეებმა გაკვეთილზე შეასრულეს მათემატიკის სამყაროდან მოსული სტუმრის „სამკუთხედას“ მიერ მოწოდებული მრავალფეროვანი სახალისო, არასტანდარტული დავალებები, იმხიარულეს.
გაკვეთილის ბოლოს კი დასაჩუქრებული ბავშვები ხალისით უზიარებდნენ ერთმანეთს შთაბეჭდილებებს.
ქართულ–გერმანული სკოლის პირველი კლასის მოსწავლეები ჯანმრთელობის მსოფლიო დღეს საინტერესო აქტოვოვებით გამოეხმაურნენ. მოსწავლეებმა დამრიგებელთან და სკოლის ექიმთან ერთად განიხილეს პირველადი დახმარების აღმოჩენის დროს ყველაზე ხშირად დაშვებული შეცდომები და ასევე სწორი გზები. მოსწავლეებმა სხვადასხვა შემთხვევების ინსცენირებით სკოლის მოსწავლეებსა და მასწავლებლებს ნათლად დაანახეს პირველადი დახმარების სწორი გზები.
#ჯანმრთელობისმსოფლიოდღე
სკოლაში მე-11 კლასმა ჩაატარა ღონისძიება "კულტურული გლობალიზაცია", რომლის მიზანი იყო სასკოლო საზოგადოებისათვის მსოფლიო კულტურის გაცნობა. მოსწავლეებმა წარმოადგინეს სხვადასხვა ქვეყნების ისტორია, კულტურა, რელიგია, მოდა, კულინარია და ტრადიციები, .
ღონისძიებას ორგანიზება გაუწია გეოგრაფიის მასწავლებელმა, Cercvadze Natia ნათია ცერცვაძემ.
Powered by aSc EduPage