ქართულ-გერმანული სკოლის პარტნიორი English Book Education, 18-22 ნოემბერს, 9:00 სთ - დან 17:00 სთ-მდე სკოლაში აწყობს ინგლისურენოვანი წიგნების გამოფენა-გაყიდვას

2 ნოემბრიდან ქართულ-გერმანულ სკოლა სხივში ფუნქციონირებას იწყებს უფასო საშაბათო სკოლა.

მეცადინეობები წარიმართება ყოველ შაბათს.

აღნიშნული საშაბათო სკოლა განკუთვნილია V-XI კლასის მოსწავლეებისათვის, კლასების მიხედვით შესაბამის საგნებში:

1. ქართული ენა

2. მათემატიკა

3. ინგლისური ენა

4. ქიმია - ინგლისურ ენაზე

5. მათემატიკა - ინგლისურ ენაზე

თითოეული საგნის სწავლება მიმდინარეობს 2 საათი და მოსწავლეს შეუძლია აირჩიოს ზემოთ ჩამოთვლილთაგან მხოლოდ 2 საგანი ასაკისა და კლასის გათვალისწინებით.

საშაბათო სკოლა მიზნად ისახავს მოსწავლეთა აკადემიური მოსწრების ამაღლებას.

კიდევ ერთი მეტად საინტერესო გაკვეთილი ჩვენს სკოლაში. პრაქტიკული მეცადინეობა VIIIა დაVIII ბ კლასის მოსწავლეთათვის (პედაგოგი ხათუნა თოფურია)

შპს ქართულ-გერმანული სკოლა სხივის IIIა კლასში (მასწავლებელი შორენა მუჩიაშვილი) ბუნების გაკვეთილზე ჩატარდა პრაქტიკული სამუშაო ,,როგორ იბადება ჩრდილი“, ბავშვებმა დაამზადეს სხვადასხვა თოჯინები და გამართეს ორწუთიანი წარმოდგენა საკლასო ოთახში მოწყობილ ,,ჩრდილების თეატრში“. ბავშვებს ძალიან მოეწონათ უჩვეულო ამპლუაში ყოფნა, თვითონ მოიფიქრეს საინტერესო ამბები და გააკეთეს დასკვნა: რომ სინათლის გზაზე მოთავსებული ფიგურა აკავებს სხივებს და ფიგურის უკან წარმოიქმნება მისივე ფორმის ლაქა, ანუ ჩრდილი.

შპს ქართულ-გერმანული სკოლა სხივის IIIა კლასში ბუნების გაკვეთილზე შესწავლილმა პლანეტებმა უდიდესი ინტერესი გამოიწვია, უამრავ კითხვას სვამენ ბავშვები კლასშიც და ალბათ, სახლშიც. სწორედ ასეთმა ძლიერმა ინტერესმა განაპირობა , ალბათ , იოანე ქართველიშვილის დედიკოს რუსუდან დარცმელიას თანამშრომლობა ჩვენთან. მან საკუთარი ხელით დაგვიმზადა მზე და მზის სისტემის ყველა პლანეტა და ჩვენი კლასი გაალამაზა და დაამშვენა. ბავშვები ძალიან გაახარა ამ სიურპრიზმა, დიდი მადლობა , რუსო!

ჩვენს სკოლას სტუმრობდა გერმანის ქალაქ შტუტგარდის,,ბილ შულენის“ სკოლის დირექტორი ბატონი ერვინ ქრიჩ, მეუღლესთან ერთად.გერმანელმა სტუმრებმა გარემო-პირობების გაცნობის მიზნით დაათვალიერეს სკოლა, ისაუბრეს საგანმანათლებლო სფეროს მნიშვნელობასა და აქტუალურ საკითხებზე,საქართველოსა და გერმანიას შორის კულტურის ურთიერთგავცლის, გამოცდილების მიღებისა და გერმანული ენის ცოდნის გაუმჯობესების მიზნით დაგეგმეს ერთობლივ პროექტები და გაცვლითი პროგრამები, რომელიც მიმდინარე სასწავლო წელს განხორციელდებაბატონმა ერვინმა შთაბეჭდილების წიგნში დატოვა ჩანაწერი და მადლობა გადაიხადა გულთბილი მიღებისათვის.ქართული ტრადიციების, ისტორიისა და წეს-ჩვეულებების გაცნობის მიზნით სტუმრები ეწვივნენ ეთნოგრაფიულ მუზეუმს,დაათვალიერეს თბილისის ღირსშესანიშნავი ადგილები, აგრეთვე იმყოფებოდნენ ბოდბის დედათა მონასტერში, სიღნაღსა და კარდენახში.

„დიპლომთცვენა“ ჩვენს სკოლაში🎉👏😀 „სხიველები“ ტრადიაციას არ ღალატობენ❤️ აქტიურად მონაწილეობენ და წარმატებებს აღწევენ საქართველოში ჩატარებულ სხვადასხვა ოლიმპიადაში. ესენია: კინგსის საგნობრივი (ქართული, მათემატიკა, ინგლისური), ევერესტის ოლიპიადა, ათასწლეულის ინოვაციის კონკურსი და სხვა. კინგსის ოლიმპიადის ორგანიზატორთა განცხადებით ჩვენი სკოლა ოცეულშია სამივე საგანში ფინალურ ტურში მიღებული დიპლომების რაოდენობით. ვულოცავთ თითოეულ მათგანს და მათ პედაგოგებს!სიგელით დაჯილდოვდა ჩვენი სკოლის მათემატიკის მასწავლებელი შორენა ჯავახიშვილი, რომლის მოსწავლეებმაც წარმატებით იასპარეზეს ოლიმპიადის ფინალურ ტურში🎉👏კინგსის ოლიმპიადის ორგანიზატორებმა VIII კლასის მოსწავლე თინათინ ჯაფარიძე სპეციალური საჩუქრით დააჯილდოვეს, მას გადაეცა ყურსასმენი ბლუთუზით🎉

შაბათს, 5 ოქტომბერს, ქართულ-გერმანული სკოლა ,,სხივის“ Xა კლასი ისტორიის პედაგოგთან და კლასის დამრიგებელთან, ნათია ჩუბინიძესთან, რუსული ენის პედაგოგ ლონდა ფარულავასთან და რამდენიმე მშობელთან ერთად გურჯაანის რაიონის სოფელ ველისციხეში ,,ნუმისის მარანს“ ეწვია. მოსწავლეებმა ინტერესით დაათვალიერეს XVI-XVII საუკუნის ქართული მარანი, რომელიც, სავარაუდოდ, თავად ჯანდიერს ეკუთვნოდა, მარანი დღეს ერთგვარ ეთნოგრაფიულ მუზეუმს წარმოადგენს, რომელშიც უამრავი საინტერესო ნივთია თავმოყრილი. მასპინძლებმა მოსწავლეებს აუხსნეს ქართული მარნის დანიშნულება, გააცნეს ის ნივთები, რომლებიც ღვინის დამზადებისთვის არის საჭირო, დაათვალიერებინეს 28 ქვევრი, რომლებიც მარნის მფლობელმა დიდი რუდუნებით მთელს საქართველოში მოაგროვა, ექსკურსია ინტერაქტიული იყო, საინტერესო და მრავალფეროვან პროგრამაში შედიოდა რთველი, ყურძნის საწნახელში დაწურვა, ჩურჩხელების მომზადება და თონეში პურის ჩაკვრა.ექსკურსიის მიზანი ქართული ეთნოგრაფიული ყოფისა და ქართული მევენახეობა-მეღვინეობის დიდი ისტორიის გაცნობა გახლდათ. თანამედროვე ახალგაზრდები, რომლებსაც იშვიათად უწევთ ქართული სოფლის ყოფა-ცხოვრების გაცნობა, ინტერესით ჩაერთვნენ ყველა იმ საქმიანობაში, რაც მასპინძლებმა შესთავაზეს, ხალისით დაკრიფეს ყურძენი, თათარაში ამოავლეს ჩურჩხელები და ნახეს, რა კოლოსალური შრომა სჭირდება გემრიელი ქართული ,,დედას პურის“ მომზადებას.ექსკურსიის შემდეგ თანაკლასელებს თათა მენთეშაშვილის ოჯახმა უმასპინძლა სულითა და გულით, რისთვისაც დიდ მადლობას ვუხდით მათ!ექსკურსია ხალისიანი, საინტერესო და შემეცნებითი აღმოჩნდა, მეათეკლასელებს იგი დიდხანს ემახსოვრებათ.

წელს ქართულ-გერმანული სკოლა ,,სხივის“ მეშვიდეკლასელები პირველად იწყებენ ისტორიის შესწავლას, ამიტომ ისტორიის პედაგოგი, ნათია ჩუბინიძე, ცდილობს, მოსწავლეები საგნით დააინტერესოს და მოტივაცია აუმაღლოს. დღევანდელი გაკვეთილი, ,,უძველესი ადამიანის რწმენა-წარმოდგენები პალეოლითის ეპოქაში“ სწორედ ამ მიზანს ემსახურებოდა. მეთოდის ,,სწავლა-კეთებით“ გამოყენებით VIIა და VIIბ კლასის მოსწავლეებმა თიხით, პლასტელინით, მძივებითა და მავთულებით, მას შემდეგ, რაც კარგად შეისწავლეს პირველყოფილი ადამიანების მიერ პალეოლითის ხანაში შექმნილი ხელოვნების ნიმუშები, თავად დაამზადეს ავგაროზ-ამულეტები, ადამიანის ანთროპომორფული ქანდაკებები და ,,ნატვრის ხეები“, შემდეგ კი მათი მნიშვნელობა ახსნეს. გაკვეთილმა სასიამოვნოდ და მხიარულად ჩაიარა, სწავლების პროცესი ადვილი და საინტერესო გახდა. წარმატებებს ვუსურვებთ ,,სხივის“ მეშვიდეკლასელებს ისტორიის შესწავლაში!

სასიამოვნო ინფორმაცია📣📣📣30 სექტემბერს ქართულ-გერმანულ სკოლა „სხივში“ სტუმრად იმყოფებოდა საქართველოს კარიტასის წარმომადგენლობა: სოციალური ზრუნვის პროგრამის მენეჯერი ინგა ჩხეიძე, ჯანმრთელობაზე ზრუნვის პროგრამის საზოგადოებასთან ურთიერთობის მენეჯერი მარიამ ლაცაბიძე და საქართველოში სტუმრად მყოფი გერმანიის ქალაქ შტუტგარდის საქველმოქმედო ორგანიზაცია „აკეთე სიკეთე“ აღმასრულებელი დირექტორი ბატონი ანტონ ვაასი 👏👏👏როგორც ყველასთვის ცნობილია ჩვენს სკოლაში განთავსებულია „სიკეთის ყუთი“, სადაც ჩვენი სკოლის მოსწავლეებსა და მასწავლებლებს საშუალება აქვთ განათავსონ ტანსაცმელი გაჭირვებულთათვის (სოციალურად დაუცველი, მზრუნველობამოკლებული, ქუჩაში მცხოვრები და მომუშავე ბავშვები; შეჭირვებული მოხუცები; მარტოხელა დედები და მათი შვილები).აღმოჩნდა რომ სიკეთის კეთებაშიც მოწინავენი ვართ❤️❤️❤️ ჩვენს „სიკეთის ყუთში“ დიდი რაოდენობის ტანსაცმელი შეგროვდა🎉🎉🎉 რაც შეუმჩნეველი არ დარჩენილა საქართველოს კარიტასის ხელმძღვანელებისთვის და მათ სპეციალური სტუმრები გამოგზავნეს მადლობის სათქმელად❤️❤️❤️მადლობა თითოეულ თქვენგანს სიკეთისათვის!!!!