გაიცანით, ეს ქეთი შუბლაძეა!

სახელი: ქეთი

გვარი: შუბლაძე

ასაკი: 11 წლის

სკოლა: ქართულ-გერმანული სკოლა „სხივი’’

სპორტის სახეობა: ფეხბურთი

პირველი ნაბიჯები სპორტში

მშობლებმა 4 წლის ასაკში შემიყვანეს ცურვაზე და პანდემიამდე დავდიოდი, შემდეგ კი შევწყვიტე. ვფიქრობ, მოყვარულის დონეზე ცურვის ცოდნა აუცილებელია.

სპორტული კარიერა და ოჯახის წევრები

მამაჩემი ნიკოლოზ შუბლაძე ყოფილი მოჭიდავეა. იგი ფეხბურთს ბავშვობაში თამაშობდა. დედაჩემს - მაკა სალხინაშვილს სპორტის სახეობებიდან მხოლოდ ფიგურული სრიალი და კალთბურთი მოსწონს. ჩემს ტყუპისცალს - ნუცას კი სურს დელფინების მწვრთნელი გამოვიდეს. ჩემი 8 წლის ძმა, მათე ჩემი გულშემატკივარია და ისიც ფიქრობს ისწავლოს ფეხბურთის თამაში.

როდის და რატომ დაინტერესდი სპორტით?

ზოგადად ძალიან სპორტული ვარ, მიყვარს ჯანსაღი ცხოვრება, რომელიც დედამ შემაყვარა. ფეხბურთი ძალიან მიყვარს. თავიდან 4-5 წლის ასაკში დავინტერესდი სპორტის ამ სახეობით. ამის მიზეზი ისაა, რომ ეზოში თამაშის დროს უფროსები და ბავშვები ხშირად ლაპარაკობდნენ ფეხბურთზე, ასევე ბევრ საინტერესო ინფორმაციას ვისმენდი ტელევიზორშიც. შემდეგ მივედი სტადიონზე და ვცადე თამაში, თავიდან არაფერი გამომივიდა, მაგრამ ჩემით ნელ-ნელა ვისწავლე... თავისუფალ დროს განსატვირთად ეზოში ხშირად ვთამაშობდი ფეხბურთს, ხან ბიძია/ბაბუებს, ხან კი ჩემს თანატოლ ბიჭებს ვეთამაშებოდი. მშობლებს ხშირად ვესაუბრებოდი ფეხბურთის შესახებ, მამას მოსწონდა ჩემი დაინტერესება და ხელს მიწყობდა, რამდენჯერმე დინამოს სტადიონზეც წამიყვანა და ფეხბურთს ერთად ვგულშემატკივრობდით. თავიდან გატაცების დონეზე ვიყავი, მერე ძალიან დავინტერესდი და მშობლებს ვთხოვე ფეხბურთის რომელიმე გუნდში მივეყვანე, რაზეც დედისგან ყოველთვის უარის ვიღებდი იმ მიზეზით, რომ ფეხბურთი გოგოს საქმე არ იყო... მოგვიანებით დედამ თავად მიიღო გადაწყვეტილება, დამიძახა და მითხრა, რომ მიუხედავად იმისა, რომ წინააღმდეგი იყო ჩემი ფეხბურთის თამაშის, იგი პატივს სცემდა ჩემს გადაწყვეტილებას და თვითონ დაიწყო ქალთა საფეხბურთი გუნდების მოძიება. მერე მამას დაელაპარაკა და ოჯახის ერთობლივი მხარდაჭერით მე დღეს ჩემი სურვილი ავისრულე, დავდივარ ფეხბურთზე.

რთულია თუ არა გოგონასათვის იყოს სპორტსმენი?

მე ვფიქრობ რომ არ არის რთული, მაგრამ საქართველოში სპორტის სახეობების უმრავლესობა განვითარებული არ არის და არც დიდი ხელშეწყობაა.

როგორ შეხვდნენ მშობლები შენს გადაწყვეტილებას?

დღეს უკვე მშობლების სრული მხარდაჭერა მაქვს და ძალიან ბედნიერი ვარ. ჩემი საყვარელი ფეხბურთელი რონალდო იყო (ამჟამად სხვა ფავორიტებიც მყავს). ძალიან მინდოდა ფეხბურთელის ფორმა და ეს ოცნება ბებომ ამისრულა, მიყიდა რონალდოს ფორმა და მახსოვს, როგორი თავმომწონე და თავდაჯერებული ვიყავი, როცა ამ ფორმით ვთამაშობდი ფეხბურთს.

როგორ ახერხებ სპორტისა და სწავლის შეთავსებას?

ეს არც ისე მარტივია, მაგრამ ვახერხებ. დილით ადრე ვდგები, 7-8 საათზე იწყება ჩემი დილა. დილიდან 3 საათამდე სკოლაში ვარ, მერე სახლში დაბრუნებული გაკვეთილებს ვამზადებ, კვირაში სამჯერ დავდივარ ფეხბურთზე, სამჯერ ქართულ ცეკვებზე. შაბათ-კვირას ვსწავლობ წინასწარ მომავალი კვირის გაკვეთილებს, რომ სამუშაო დღეებში მხოლოდ გადამეორება დამჭირდეს. დღის გრაფიკის შედგენაში დედა მეხმარება. იგი ცდილობს დროის რაციონალურად გამოყენება მასწავლოს. თვითონაც ძალიან დატვირთულია და ყველაფერს ასწრებს, სამ ადგილას მუშაობს, სამ შვილს უვლის და სახლის საქმეებსაც ართმევს თავს. მეც ვცდილობ დროის ფასი ვისწავლო და მგონი გამომივა...

სამომავლო გეგმა

წინასწარ არ მიყვარს ჩემს გეგმებზე საუბარი...

რჩევა თანატოლებს

მე მათ ვურჩევ რომ უპირატესობა მიანიჭონ ჯანსაღ კვებას და ჯანსაღი ცხოვრების წესს. დილით ადრე გაიღვიძონ და საღამოს ადრე დაიძინონ. მშობლები თუ რამეს აუკრძალავენ და მათ მიაჩნიათ, რომ მშობლები არასწორად იქცევიან, შეეცადონ უფროსები დაარწმუნონ რატომ მიიღეს ესა თუ ის გადაწყვეტილება და მოლაპარაკების გზით მიაღწიონ მშობლებთან შეთანხმებას. მე ნამდვილად გამიმართლა, ჩემი მშობლები გვერდში მიდგანან და ცდილობენ მაქსიმალურად შემიწყონ ხელი.

წყარო : https://www.facebook.com/saskolo.sportuli.olimpiada

 

გაიცანი სპორტის მასწავლებელი!

სახელი: გიორგი

გვარი: გეგენავა

სკოლა: ქართულ-გერმანული სკოლა „სხივი“; სოფიკო ჭიაურელის სახელობის 54-ე საჯარო სკოლა

რამდენი წელია სპორტის მასწავლებელი ხართ?

სპორტის მასწავლებელი 3 წელია ვარ, მაგრამ ყველაფერი გაცილებით ადრე დაიწყო. ზოგადად, მასწავლებლობის სიყვარული ბებიისა და ბაბუის ზეგავლენით, მათი დამსახურებებით და ცხოვრების წესის ყურებიდან გამომდინარე გამიჩნდა. ბაბუა თბილისის სახელმწიფო უნივერსიტეტის ერთ-ერთი პირველი კურსდამთავრებული იყო. სკოლაში მუშაობდა ბიოლოგიის მასწავლებლად, შემდეგ, სამწუხაროდ, როგორც უამრავ ქართველს, მოუხდა მეორე მსოფლიო ომში წასვლა. იბრძოდა საკუთარი ქვეყნის და ღირსების დასაცავად; ერთ-ერთ ბრძოლაში ტყვედ აიყვანეს და 2 წლის განმავლობაში გერმანულ ტყვეთა ბანაკში უმძიმეს ვითარებაში ამყოფებდნენ, როგორც სხვა უამრავ გმირ ქართველს. არ უყვარდა ბაბუას ომზე საუბარი, ყოველთვის ცდილობდა მოსწავლეებში სწავლის მოტივაცია ყოფილიყო მაღალი, მიუხედავად შექმნილი რთული მდგომარეობისა. ერთ რამეზე გამოთქვამდა გულისტკივილს, ომამდე ვერ მოასწრო სადისერტაციო ნაშრომის დაცვა, რომელზეც ნიკო კეცხოველის ხელმოწერა იყო. მასზე საუბარი ძალიან შორს წაგვიყვანს.

ბებია ქართული ენისა და ლიტერატურის მასწავლებელი, და ფსიქოლოგი გახლდათ. ისიც მთელი ცხოვრების განმავლობაში მასწავლებლად მუშაობდა სკოლაში.

როგორ შეაფასებთ სკოლებში არსებულ ვითარებას სპორტის თვალსაზრისით?

ჩვენს ქვეყანას აქვს უდიდესი პოტენციალი მსოფლიო ისტორიაში გააკეთოს უფრო ხმამაღალი განცხადებები, ვიდრე აქამდე გაუკეთებია. არა მხოლოდ სპორტულ, არამედ სხვა მიმართულებებშიც. არ შეიძლება არ აღინიშნოს ის მხარდაჭერა, რასაც იღებენ სკოლები სხვადასხვა პროექტებიდან, რათა მოსწავლეთა ჩართულობა გაიზარდოს და მეტი მოზარდი დაინტერესდეს სპორტით. არის რიგი გამოწვევები, რაც შეიძლება გადაიხედოს და გამოსწორდეს, რათა მეტ მოსწავლეს გაუჩნდეს მოტივაცია იყოს აქტიური, მაგრამ უმეტესწილად მდგომარეობა პოზიტიურია. მოსწავლეს, რომელიც აქტიურად არის დაკავებული ამა თუ იმ აქტივობით, თუნდაც საბაზისო დონეზე, შედარებით უმარტივდება სხვა საგნების შესწავლა, სწრაფად მოქმედებს რთულ სიტუაციებში, მარტივად უმკლავდება ბარიერებს და სხვა მრავალი დადებითი ნიუანსი შეაქვს მის ცხოვრებაში.

როგორ ფიქრობთ, რა უნდა გაკეთდეს, რომ მოსწავლეთა მოტივაცია ამაღლდეს და ისინი სპორტით დაინტერესდნენ?

მრავალფეროვნება და ინფორმირებულობა; ჯანსაღი ცხოვრების წესის პროპაგანდა და ცნობიერების ამაღლება; აგიტაცია, თუ რა სარგებლის მოტანა შეუძლია თუნდაც 15 წუთით ვარჯიშს დღეში. წამახალისებელი პროექტების არსებობა ხელს უწყობს მოტივაციის ამაღლებას. მოტივაცია ავტომატურად უბიძგებს მოსწავლეს აქტიურობისკენ, რათა დაისახოს მიზანი და ეძებოს ამ მიზნის მიღწევის გზები, ხერხები და საშუალებები. გვქონდა პატივი რამდენიმე წლის წინ გვემასპინძლა იაპონიის ფარიკაობის (კენდო) დელეგაციისთვის, რომელიც სხვადასხვა პროფესიის წარმომადგენლებით იყო დაკომპლექტებული, მათ შორის იყვნენ მასწავლებლებიც. დავინტერესდი მათი სასკოლო ცხოვრებით; ვთხოვე, გაეზიარებინათ გამოცდილება და მოეყოლათ თავიანთი სკოლების შესახებ, რაც საკმაოდ საინტერესო და შთამბეჭდავი აღმოჩნდა. მას შემდეგ, რაც ქვეყნის გარეთ მიწევს გასვლა შეჯიბრებებზე ან სემინარებზე, მაქსიმალურად ვცდილობ, თუ დროში არ ვართ შეზღუდულები, დავინტერესდე ამ ქვეყნის მოსწავლეების სასკოლო ცხოვრებით, რათა მეტი გამოცდილება დავაგროვო და მიღებული ცოდნა თუ გამოცდილება მაქსიმალურად მოვახმარო ჩემს მოსწავლეებს. ამის დრო სამწუხაროდ იშვიათად მრჩება გადატვირთული გრაფიკის გამო, მაგრამ ვიმედოვნებ, მომეცემა საშუალება კონკრეტულად ამ მისიით წავიდე ხოლმე სხვა ქვეყნების სკოლებში, გავცვალოთ იდეები, ხედვები, მიზნები, გამოცდილებები. გვქონდეს მჭიდრო კავშირები, ავიღოთ მათგან საუკეთესო მაგალითები და დავნერგოთ ჩვენს ქვეყანაში, რათა შევქმნათ უფრო კონკურენტული გარემო.

რას ურჩევს სპორტის მასწავლებელი ბავშვებს და სპორტის მასწავლებლებს?

ბავშვებს ვურჩევდი იყვნენ უფრო აქტიურები. არ იფიქრონ, რომ რამეს ვერ შეძლებენ. ნუ აჰყვებიან სხვების აზრებს, რომ რაღაც მათი საქმე არ არის, ან ეს მათ ძალებს აღემატება. არასდროს მოუსმინოთ ისეთ ადამიანებს, დიდი იქნება ეს თუ მათი თანატოლი, რომლებიც თქვენს განვითარებას აფერხებენ. იყავით უფრო კრიტიკულები და მომთხოვნები საკუთარი თავის მიმართ, იყავით მაქსიმალისტები და ყოველთვის დაეხმარეთ თქვენზე სუსტს განვითარებაში, გაეცით მეტი პოზიტივი, იყავით მეგობრულები, ეცადეთ იცხოვროთ სპორტულად და ეს აუცილებლად დადებითად აისახება არა მხოლოდ თქვენს ჯანმრთელობაზე, არამედ ინტელექტუალურ და სულიერ შესაძლებლობებზეც. ჩიხი და გამოუვალი მდგომარეობა არ არსებობს, ასევე არ არსებობს დამარცხება, არსებობს გამარჯვება ან გამოცდილების მიღება. ყველაფერი დაძლევადია, მთავარია მოინდომოთ და არ დანებდეთ, იპოვეთ სწორი ადამიანი, რომელიც თქვენს პოტენციალს დაინახავს და განავითარებს.

რაც შეეხება მასწავლებლებისთვის რჩევის მიცემას, მირჩევნია რჩევები მათგან მივიღო დიდი პატივისცემით და სიყვარულით.

რატომ ფარიკაობა?

ალბათ ქართული გენიდან გამომდინარე მოვიდა ჩემამდე ეს სურვილი. ისტორიიდან ყველამ ვიცით ქართველები სულ ომებში ვიყავით, ჩვენი წინაპარი მუდმივად ბრძოლის მოლოდინში იყო, ამიტომ ფარ-ხმალთან განსაკუთრებული დამოკიდებულება ჰქონდა. თავდაპირველად ვვარჯიშობდი კარატეში, ქალაქ სენაკში, სენსეი ელგუჯა (ნუკრი) ჩემიასთან. მონაწილეობას აქტიურად ვიღებდით სხვადასხვა ტურნირებში, აქტიურად ვვარჯიშობდით და ვაღწევდით წარმატებებსაც, და ვიღებდით გამოცდილებებსაც. აბიტურიენტობისას, სამწუხაროდ, მომიხდა პაუზის აღება. შემდგომ იყო მეგობრის შემოთავაზება მონაწილეობა მიგვეღო კენდოს სემინარში, რომელსაც ატარებდა ვილნიუსში მოღვაწე, წარმოშობით ქართველი, კენდოკა (ასე მიმართავენ ადამიანს ვინც კენდოში ვარჯიშობს), გია ამყოლაძე. მანამდე კენდო არასდროს მქონდა ნანახი. პირველად დოჯოში (დარბაზში) მოხვედრისას სასიამოვნო შეგრძნება დამეუფლა, თითქოს არ იყო ეს ჩემთვის ახალი, უცხო და უცნაური, პირიქით ძალიან ახლობელი და საინტერესო აღმოჩნდა. ეს ინტერესი შემდგომში განავითარა სენსეი ანდრეს კრუზმა, რომელიც არის საქართველოში კენდოს დიდი გულშემატკივარი, გივი ზალდასტანიშვილის სახელობის ამერიკული აკადემის „თბილისში“ დირექტორი და კენდოს ინსტრუქტორი (მეხუთე დანის მფლობელი). მისი დახმარებით და დიდი შრომით ვილნიუსში (ლიეტუვა) ჩავაბარე რანგის გამოცდა და მომენიჭა პირველი დანი. რამოდენიმე წლის შემდეგ თბილისში გვეწვია მაღალი რანგის ინსტრუქტორები სხვადასხვა ქვეყნიდან (იაპონია, საფრანგეთი, ბრიტანეთი, ისრაელი), სადაც წარმატებით ჩავაბარე მეორე დანის გამოცდაც. 2019 წელს ჩვენი ქვეყანა პირველად წარსდგა ევროპის ჩემპიონატზე სერბეთში, სადაც დიდი მოწონება და პატივისცემა დავიმსახურეთ. შევეცადეთ ბევრი ადამიანისთვის მოგვეყოლა ჩვენი ქვეყნის შესახებ. ამჟამად, ვემზადები საკმაოდ რთული გამოწვევისთვის, მესამე დანის გამოცდებისთვის, რაც საკმაოდ შრომატევადი და ძნელად მიღწევადია. ასევე ვემზადებით მომავალ წელს დაგეგმილი, ევროპის ჩემპიონატისთვის, რომელიც გერმანიაში გაიმართება.

რას ნიშნავს თქვენთვის სასკოლო სპორტი?

სასკოლო სპორტი არის საკვანძო, გარდამავალი ეტაპი, რომელიც აუცილებლად აქტიურად და გააზრებულად უნდა გაიაროს თითოეულმა მოსწავლემ, რათა შემდგომში შეძლოს უფრო დიდი გამოწვევების და სირთულეების დაძლევა. სპორტი საუკეთესო საშუალებაა საკუთარი თავის გამოსაცდელად, ფიზიკური და გონებრივი შესაძლებლობების შესამოწმებლად, არსებული ძალების განსავითარებლად და პოზიტიური განწყობის შესანარჩუნებლად.

https://www.facebook.com/742664985851700/posts/4421668854617943/?sfnsn=mo

წყარო : https://www.facebook.com/saskolo.sportuli.olimpiada

 

„ბათუმში დატრიალებულმა უმძიმესმა ტრაგედიამ მთელი ქვეყანა შეძრა.

ვგლოვობთ საშინელი ტრაგედიის მსხვერპლთ, რომელთა შორის არიან ბავშვები.

მარადიული ხსოვნა მათ ! 

ღრმა მწუხარებას გამოვთქვამთ და ვუსამძიმრებთ დაღუპულთა ოჯახებს, ახლობლებს და სრულიად საქართველოს.

სკოლაში ფუნქციონირებას იწყებს ინგლისური ენის შემსწავლელი კურსები. სწავლის პროცესი წარიმართება როგორც პირისპირ, ასევე ონლაინ რეჟიმში.

კურსის ხელმძღვანელი: CELTA სერტიფიცირებული პედაგოგი

თბილისის სახელმწიფო უნივერსიტეტის მაგისტრი

თარჯიმანი

გივი ზალდასტანიშვილის სახელობის ამერიკული აკადემიის დამხმარე მასწავლებელი (ინგლისური, რუსული)

საერთაშორისო ონლაინ-სკოლა TOKI (რუსეთი, მოსკოვი) ინგლისურის მასწავლებელი

პროგრამის უპირატესობები: სწავლება ფრაზებით და გამონათქვამებით; მოსწავლეების მაქსიმალური ჩართულობა საგაკვეთილო პროცესში; დისკუსიები და როლური თამაშები; ვიდეო-აუდიო მასალებით ლექსიკის, გრამატიკის და წარმოთქმის გაუმჯობესება. მომზადება სასერტიფიკატო გამოცდებისთვის, ოლიმპიადებისთვის.

ჯგუფში მაქსიმუმ: 6-8 სტუდენტი

გაკვეთილები ტარდება კვირაში 3-ჯერ:

ორშაბათი, ოთხშაბათი, პარასკევი

სამშაბათი, ხუთშაბათი, შაბათი

დასაწყისი: 18:00 საათზე.

გაკვეთილის ხანგრძლივობა: 1 სთ და 30 წთ ( I ნაწილი - 40 წთ.; შესვენება - 10 წთ.; II ნაწილი – 40 წთ.)

ღირებულება: 1 თვე 100 ლარი ( 12 გაკვეთილი )

პირველი საცდელი გაკვეთილი უფასოა.

მოსწავლეების მიღება განხორციელდება წერითი ტესტირებით და ზეპირი გასაუბრებით.

რეგისტრაციისთვის დაუკავშირდით: 514022266

გისურვებთ წარმატებებს!

 

#ევროპისსპორტისკვირეული

#ქართულგერმანულისკოლასხივი

სემესტრის პირველი, გაცნობითი ხასიათის, სპორტული აქტივობა კარტინგ კლუბში VI ა კლასის მონაწილეობით.

პედაგოგები გიორგი გეგენავა და ნინო წიკლაური

 ძვირფასო მშობლებო და მოსწავლეებო, 
 

უწყებათაშორისო საბჭოს გადაწყვეტილებით, 4 ოქტომბრიდან სასწავლო პროცესი საკლასო ოთახებში გაგრძელდება.

  განათლებისა და მეცნიერების სამინისტრო მშობლებს კვლავ აძლევს შესაძლებლობას, აირჩიონ დისტანციური სწავლების ფორმა.

აღსანიშნავია, რომ დასწრებული სწავლების შემთხვევაში, მოსწავლეები I-XII კლასების ჩათვლით, ვალდებული იქნებიან ატარონ პირბადე.

ასევე გრძელდება  მასწავლებელთა ადმინისტრაციის წარმომადგენლთა და ტექნიკური პერსონალის   სავალდებულო ტესტირება.

 ჩვენი სკოლა მზადაა ყველა რეკომენდაციის გათვალისწინებითა და წესებით სრული დაცვით განაახლოს სასწავლო პროცესი. 

გელოდებით დიდი სიყვარულითა და სიხარულით !

გისურვებთ ჯანმრთელობას! 

ძვირფასო მშობლებო,

ფუნქციონირებას იწყებს ქართულ-გერმანულ სკოლა სხივთან არსებული საბავშვო ბაღი (09:00-დან 18:00 საათამდე).

ბავშვები უზრუნველყოფილ იქნებიან სამჯერადი კვებით.

1. I ჯგუფი (5-6 წლიანთა) Preschool - ი, დაბადების თარიღი 16/09/2015-დან - 15/09/2016 წწ

2. II ჯგუფი (4-5 წლიანთა )- დაბადების თარიღი 16/09/2016-დან -15/09/2017 წწ

ბაღიდან - სკოლაში სწავლის გაგრძელების მსურველები ისარგებლებენ სწავლის საფასურზე 10 % -იანი ფასდაკლებით.

შექმნილი ეპიდსიტუაციიდან გამომდინარე საბავშვო ბაღში დაცული იქნება ყველა საჭირო რეკომენდაცია, რაც უზრუნველყოფს ბავშვთა უსაფრთხოებას.

დეტალური ინფორმაციისათვის დაგვიკავშირდით ნომერზე : 577546696

https://skhivi.edu.ge/8853-2/

მსურველებმა შეავსეთ სარეგისტრაციო ფორმა  https://forms.gle/H9BjW6T59GXQxB6eA

საფეხბურთო კლუბი ქარი აცხადებს 6 - 13 წლის ასაკის ბავშვების მიღებას

საფეხბურთო კლუბი ქარი ორიენტირებულია აღზარდოს ბავშვები ევროპის მოწინავე სკოლების სტანდარტების შესაბამისად, რაც პირველი გადადგმული ნაბიჯებია

კარიერულ კიბეზე, წარმატების მისაღწევად!

ვარჯიშები ჩატარდება ქართულ-გერმანული სკოლა სხივის სტადიონზე.

მწვრთნელები, ყოფილი ფეხბურთელები, ლადო ზუხბაია და მიხეილ პირადაშვილი.

რეგისტრაციისთვის დაუკავშირდით: +995 551561313

ქართულ-გერმანული სკოლა სხივი გილოცავთ ახალი სასწავლო წლის დაწყებას!

ახალი სასწავლო წელი თითოეული თქვენგანისთვის ყოფილიყოს საინტერესო და წარმატებებით გამორჩეული!

                ბედნიერ, წარმატებულ, გამარჯვებებით სავსე წელს გისურვებთ!

მომსახურეობას სკოლა მოსწავლეებს სთავაზობს არასავალდებული სახით. მომსახურეობა ჩატარდება მოსწავლის სკოლაში გამოცხადების შემდეგ შესაბამისი საგნის მასწავლებლის მიერ დამატებითი გაკვეთილის საჭიროების დადგენის საფუძველზე. იმისათვის, რომ მოსწავლემ ისარგებლოს აღნიშნული მომსახურეობით, მასწავლებელი დამატებითი გაკვეთილის საჭიროების შესახებ უსაბუთებს დირექტორის მოადგილეს, და მისი თანხმობით კლასის დამრიგებელს, რომელიც თავის მხრივ აცნობებს მოსწავლის მშობელს, რომელთანაც (მისი სურვილის შემთხვევაში) ათანხმებს დამატებითი გაკვეთილის თარიღსა და დროს ისე, რომ მასწავლებელმა მოასწროს და დაგეგმოს დამატებითი გაკვეთილის სასწავლო მიზნები და აქტივობები, იმის მიხედვით, თუ რა გააცდინა მოსწავლემ. ამ მომსახურეობის დროს მოსწავლე ფასდება ზეპირი განმავითარებელი კომენტარით.

მომსახურეობის სასწავლო პროგრამა არის საგნის სასწავლო პროგრამის ნაწილი, იმის მიხედვით რა გაააცდინა მოსწავლემ, ასევე, საგანმანათლებლო რესურები არის საგნის საგანმანათლებლო რესურსის ნაწილი.

მომსახურეობა უნდა განხორციელდეს მოსწავლის სკოლაში გამოცხადების შემდეგ, ანუ მას შემდეგ, რაც უკვე გაირკვევა, თუ რა სასწავლო მონაკვეტი გამოტოვა მოსწავლემ. მომსახურეობის ფარგლებში განსახორციელებელი დამატებითი გაკვეთილი შესაძლოა განხორციელდეს დასწრებული ან დისტანციური ფორმით, შეხვედრის ფორმას ირჩევს მასწავლებელი და აცნობებს მოსწავლეს. რაც შეეხება შეხვედრის თარიღსა და დროს, მასწავლებელი გაკვეთილს ნიშნავს მოსწავლესთან შეთანხმებით.

 

შპს ქართულ-გერმანული სკოლა სხივში

2021-22 სასწავლო წლისთვის არჩეული სახელმძღვანელოები

შპს ქართულ-გერმანული სკოლა სხივი გაცნობებეთ, რომ შექმნილი ეპიდემიოლოგიური მდგომარეობიდან გამომდინარე, 15 სექტემბრიდან 4 ოქტომბრამდე გაკვეთილები ჩატარდება ონლაინ ფორმატით. დეტალურ ინფორმაციას მოგაწვდით კლასის დამრიგებლები.

 ქართულ-გერმანული სკოლა სხივის დირექცია, ქვეყანაში შექმნილი ეპიდვითარებიდან გამომდინარე, საჭიროდ თვლის, სისტემატიურად მოგაწოდოთ ინფორმაცია თანამშრომლების ვაქცინაციის შესახებ.
    დღევანდელი მონაცემებით აცრილია მასწავლებლებისა და მომუშავე პერსონალის 78 % . უნდა აღინიშნოს, რომ ჩვენი სკოლის  თანამშრომლები პასუხისმგებლობით ეკიდებიან თავიანთი მოქალაქეობრივი მოვალეობის გამოხატვას და ყოველდღიური აქტიური ჩართულობით აგრძელებენ ვაქცინაციას, რათა  ახალი სასწავლო წლისათვის ჩვენმა მოსწავლეებმა უსაფრთხო გარემოში გააგრძელონ სწავლა. 

სკოლის დირექცია მადლობას უხდის ყველა თანამშრომელს ამ გულისხმიერებისათვის!

ვაქცინაცია ვირუსისგან ჩვენი დაცვის საუკეთესო საშუალებაა !

ყველამ ჩვენი წვლილი უნდა შევიტანოთ იმაში, რომ სკოლები გაიხსნას !

 

ქართულ-გერმანულ სკოლა სხივის IIბ კლასში ჩატარდა სახალისო-შემეცნებითი ვიქტორინა ( კლასის ხელმძღვანელი მ.მატუაშვილი) ვიქტორინის მიზანი იყო:

მეორე კლასში ნასწავლი მასალის გამეორება-შეჯამება . კლასი დაიყო ორ გუნდად. მოსწავლეები მონდომებით,ხალისით ჩაერთვნენ კონკურსში და სათანადოდ გამოავლინეს განვლილი პროგრამული მასალის ცოდნა. გაიმარჯვა მეგობრობამ.

ვიქტორინას ესწრებოდა სკოლის დირექცია და პედაგოგები .

ღონისძიების დასასრულს მონაწილეები დაჯილდოვდნენ სერტიფიკატებით.

ქართულ -გერმანული სკოლა სხივის II-ბ კლასში (პედაგოგი მ.მატუაშვილი ) ჩატარდა სპორტიული სახალისო აქტივობა -,, განძის მაძიებელი’’.

მოსწავლეებმა განძის მოსაპოვებლად, მოძებნეს მინიშნებები, გადალახეს წინააღმდეგობები, კითხვებს გასცეს პასუხი. საბოლოოდ გახდნენ ,,განძის მფლობელები’’.

კლასს გადაეცა სიგელი და მედალი.

IV ბ კლასი

ერთად გატარებული საუკეთესო ბოლო დღე მეოთხე კლასში.

დამშვიდობება პირველ მასწავლებელთან.

ჩემო პატარა მეგობრებო!

გილოცავთ მეოთხე კლასის დამთავრებას

წარმატებული, ნათელი და ბედნიერი იყოს თქვენი ცხოვრების ყოველი მომდევნო ეტაპი.

მიყვარხართ!

ბელა მასწავლებელი

ქართულ-გერმანული სკოლა „სხივის“ IV ა კლასი, სასწავლო წლის დასრულებასთან დაკავშირებით იმყოფებოდა თბილისის ციფრულ მუზეუმში, მათ წინასწარ შეარჩიეს სივრცეები: ქართულ ოთახში უყურეს ფილმს - „ხმელ წიფელს“ , ძირითად ოთახში კი - წყალქვეშა სამყაროსა და გალაქტიკას, მათ ასევე მოინახულეს ვან გოგის ოთახი. მოსწავლეები აღფრთოვანებული იყვნენ ნანახით და შთაბეჭდილებებით სავსენი დაბრუნდნენ სკოლაში.
პედაგოგი: თ.გურგენიძე

ქართულ გერმანული სკოლის V ა და V ბ კლასის მოსწავლეებმა გერმანულ ენაში შეისწავლეს სხვადასხვა საინტერესო თემები , როგორებიცაა მაგ.. meine Familie.meine Wohnung, zu Besuch. მოსწავლეებმა შესწავლილი ლექსიკური და გრამატიკული მარაგი კარგად გაითავისეს და არსებული ცოდნის საფუძველზე გააკეთეს სკეჩები. ისინი ხალისით ჩაერთნენ პროექტში. ასევე მისწერეს წერილები გერმანიაში თავიანთ თანატოლებს.

პედაგოგი ნათია ჟღენტი Natia Jgenti