სიახლეები

          • 🎭 საშობაო ზღაპარი

          • მე-3 ბ კლასის მოსწავლეებმა მაყურებლის წინაშე წარადგინეს სპექტაკლი „საშობაო ზღაპარი“.

            მათ საზეიმოდ, საშობაო სიმღერებითა და ცეკვებით დაასრულეს სასწავლო წლის პირველი სემესტრი.

            მოსწავლეთათვის დღე შთაბეჭდილებებით სავსე აღმოჩნდა.

            დამრიგებელი: თამარ გურგენიძე

             

          • 🎄 ახალი წლის ღამე

          • ახალი წლის დადგომას ბავშვები მხიარულად ელიან, რადგან სჯერათ, რომ შეიძლება სასწაული მოხდეს და მათი ოცნება ახდეს.

            ფერიები, თოვლის ბაბუა, სანტა... ეს პერსონაჟები ბავშვების განუყრელი ნაწილი და ჯადოსნური მეხსიერებაა.

            მეორეკლასელები მშობლებთან ერთად ესტუმრნენ შალვა ძნელაძის მუზეუმს, სადაც ბუხართან მჯდომი თოვლის ბაბუა პატარებს საახალწლო საჩუქრებით სავსე ხურჯინით ელოდებოდა. მიღებულმა საჩუქრებმა ბავშვები ძალიან გაახარა. გახარებული ბავშვები ერთმანეთს ხალხური სიმღერების, ცეკვასა და ლექსების თქმაში ეჯიბრებოდნენ. მათ არც მშობლები ჩამორჩნენ. მათთვის მომზადებულ კითხვებს პასუხობდნენ, მღეროდნენ, ცეკვავდნენ... გამარჯვებული ჯგუფები დაჯილდოვდნენ.

          • 🎭ჯადოსნური ფლეიტა

          • გერმანული პედაგოგმა თეკლა კაპანაძემ IVა კლასში დადგა სპექტაკლი ვოლფგანგ ამადეუს მოცარტის „ჯადოსნური ფლეიტა“ („Die Zauberflöte”), მოსწავლეებმა მოირგეს სხვადასხვა პესონაჟის როლი და გაითამაშეს სიუჟეტი. იმღერეს ოპერის ერთ-ერთი მთავარი სცენის არია „Das klinget so herrlich”. სპექტაკლი ორ ენაზე გერმანულ და ქართულ ენაზე მიმდინარეობდა. სპექტაკლმა მაყურებლის დიდი მოწონება დაიმსახურა.

          • 🎅 საახალწლო ნატვრა

          • Iა კლასის მოსწავლეებმა მაყურებლის წინაშე წარადგინეს სპექტაკლი ,,საახალწლო ნატვრა“

            პატარებმა ლექსებით და სიმღერებით გაალამაზეს ღონისძიება. სპექტაკლის დასასრულს, თოვლის ბაბუამ საჩუქრებით გაახარა პატარები. პირველკლასელებისთვის სასწავლო წლის I სემესტრი მხიარულად დასრულდა.

             

          • 🎄 III–ა კლასის სპექტაკლი გადარჩენილი ნაძვის ხე ☃️❄️

          •  2022 წლის  27 დეკემბერს  III –ა კლასის  მოსწავლეებმა მაყურებლის წინაშე  წარადგინეს საახალწლო სპექტაკლი „გადარჩენილი ნაძვის ხე“. 

             მესამეკლასელები  დიდი ენთუზიაზმითა და მონდომებით ემზადებოდნენ მაყურებელთან შესახვედრად, ამზადებდნენ მარტივ დეკორაციებს, მართავდნენ რეპეტიციებს, მუშაობდნენ მეტყველების დახვეწაზე. 

                წარმოდგენის დასრულების შემდეგ მესამეკლასელებმა  გაითამაშეს „საიდუმლო სანტა“, რაც სახალისო  აღმოჩნდა მათთვის.

             

                            ღონისძიების მიზანი იყო:

            • საახალწლო განწყობის შექმნა;
            • თვალსაწიერის გაფართოება;
            • ბუნების დაცვის აუცილებლობაზე და მნიშვნელობაზე ყურადღების გამახვილება;
            •  ბუნების დაცვის საქმეში თითოეული ადამიანის  წვლილის შეტანის აუცილებლობაზე მოსწავლეების დაფიქრება;
            • მუშაობა მეტყველების  დახვეწაზე;
            • სპექტაკლის  წარდგენა მაყურებლის წინაშე.

          • 📌გერმანული ენის კონკურსის შედეგები

          • ქართულ-გერმანულ სკოლა სხივში გერმანულ ენაში ჩატარდა შიდა სასკოლო ტური. პირველ ტურში გაიმარჯვა 8 მოსწავლემ, ხოლო მე-2 ტურში გამოვლინდნენ I-IV ადგილის მფლობელები.

            პარალელურად მოსწავლეები გერმანული ენის მასწავლებლის მიერ ჩართულები იყვნენ გოეთეს ინსტიტუტის აქტივობაში სახელწოდებით ,,Superkraft Deutsch“, ,,გერმანული სუპერძალა“.

            მოსწავლეები დაჯილდოვდნენ გოეთეს ინსტიტუტისა და სკოლის მიერ შერჩეული საჩუქრებით.

            აღნიშნული პროექტები ხელს უწყობს მოსწავლეებში სწავლის მოტივაციის ამაღლებას და გერმანული ენის საფუძვლიანად შესწავლას.

            ვულოცავთ ჩვენ მოსწავლეებს გამარჯვებას და წარმატებებსა და მიზნების მიღწევას ვუსურვებთ!

            გერმანული ენის მასწავლებელი : ნათია ჟღენტი

          • 📍 ვიქტორინა ინგლისურ ენაში

          • 22 დეკემბერს, მე-7 ა და მე-7 ბ კლასებში ჩატარდა ვიქტორინა,რომლის მიზანი იყო მოსწავლეების ზოგადი ცოდნის შემოწმება ინგლისურ ენაზე და ჯგუფური მუშაობის უნარის განვითარება.

            ვიქტორინა მოიცავდა როგორც შემეცნებით შეკითხვებს ასევე, სახალისო საშობაო გამოცანებს, სიმღერებს და ლექსს. ვიქტორინის ბოლოს გამოვლინდა გამარჯვებული ჯგუფი.

            მასწავლებლები:შორენა შალიკაშვილი და ნათია მარშანია

          • 🇪🇺 ევროკავშირის წარმომადგენელი სხივში

          • ჩვენს სკოლაში სტუმრად იმყოფებოდა საქართველოში ევროკავშირის წარმომადგენლობის პოლიტიკის, პრესისა და ინფორმაციის განყოფილების უფროსის მოვალეობის შემსრულებელი ქალბატონი ევია კოტანი.

            ქალბატონმა ევიამ IX-XII კლასის მოსწავლეებთან შეხვედრისას ისაუბრა თემაზე : ადამიანებების უფლებები, საქართველოში ევროკავშირის მისიის როლი, საკუთარი გამოცდილების გაზიარება.

            საუბრის თემამ დიდი ინტერესი გამოიწვია მოსწავლეებში.

            მოსწავლეების მხრიდან თითოეულ დასმულ შეკითხვას გაეცა ამომწურავი პასუხი, შედგა საინტერესო დისკუსია.

            შეხვედრა წარიმართა ინგლისურ ენაზე.

          • 📌 ვ ა კ ა ნ ს ი ა

          •  

            ქართულ-გერმანული სკოლა სხივი აცხადებს ვაკანსიას სამზარეულოს პერსონალის პოზიციაზე.

            სამუშაო საათები: 09:00 - 17:00.

            ანაზღაურება - 625 ლარი

            დაინტერესების შემთხვევაში გთხოვთ დაგვიკავშირდეთ: 2596701, 577546696

            მის.: დიღმის სასწავლო საცდელი მეურნეობა, ნაკვეთი 368 (ე.წ. მუხათგვერდის სამანქანო ხიდთან).

             

          • 🙏 ჩვენ ვირჩევთ თანასწორობას

          • #ჩვენვირჩევთთანასწორობას რა არის ტოლერანტობა?

            ვის შეუძლია განსხვავებული კულტურისა და ღირებულებების მქონე ადამიანებთან მშვიდობიანი ურთიერთობის დამყარება? როგორ უნდა აღიქვას ადამიანმა მისგან განსხვავებული ადამიანი? რა არის მშვიდობიანი თანაცხოვრებისათვის აუცილებელი? სწორედ ამ მნიშვნელოვან კითხვებს გასცეს პასუხი ქართულ-გერმანული სკოლის მე-8 და მე-9 კლასის მოსწავლეებმა პასუხი. წარმოადგინეს პრეზენტაციები, იმსჯელეს ტოლერანტ და არატოლერანტ ადამიანებზე, გამოთქვეს საკუთარი აზრი და დააფიქსირეს თავიანთი პოზიციები. ბოლოს კი შეჯერდნენ რომ:

            #ტოლერანტობა შენგან გასხვავებული ადამიანის პატივისცემა და მისი თანასწორად აღქმაა. #ტოლერანტობა არის ის, რომ არ გააკრიტიკო ან მტრულად არ იყო განწყობილი იმისადმი, რაც განსხვავებულია, უცნაური ან შენთვის უცნობი.

            #ტოლერანტობა ადამიანის ცხოვრების წესია, როცა მან იცის საკუთარი თავისუფლების ფასი და აღიარებს სხვის თავისუფლებასაც.

            #ტოლერანტობა მშვიდობიანი და ჰარმონიული თანაცხოვრების აუცილებელი პირობაა.

            მასწავლებლები: ანა ჩინჩალაძე ლელა ხათრიძე

          • 📌საინტერესო შეხვედრა ადვოკატთა ასოციაციის წარმომადგენლებთან

          • დღეს საქართველოს ადვოკატთა ასოციაციის ადმინისტრაციული კომიტეტის მხარდაჭერით III, VII-IX კლასის მოსწავლეებისათვის ჩაატარდა ლექცია პრეზენტაციის სახით :

            • უბილეთო მგზავრობა და ადმინისტრაციული პასუხისმგებლობა;
            • შინაური ბინადარი ცხოველის უფლებები, ცხოველის პატრონის ვალდებულებები და პასუხისმგებლობის ზომები;
            • შეხვედრას უძღვებოდა სამართლის აკადემიური დოქტორი, პროფესორი, საქართველოს ადვოკატთა ასოციაციის ადმინისტრაციული კომიტეტის თანათავმჯდომარე ქალბატონი მაკა სალხინაშვილი და თბილისის მუნიციპალიტეტის მერიის სსიპ ცხოველთა მონიტორინგის სააგენტოს იურისტი, სამართლის მაგისტრი,  ადვოკატი, საქართველოს ადვოკატთა ასოციაციის ადმინისტრაციული სამართლის კომიტეტის წევრი ბატონი კახაბერ იოსელიანი.

            მოსწავლეები დიდი ინტერესით უსმენდნენ მომხსენებლებს, დასვეს კითხვები და მიიღეს ამომწურავი პასუხები . განსაკუთრებით გამოვყოფთ პატარა მსმენელებს III -ა კლასიდან .

            სკოლა მადლობას უხდის ქალბატონ მაკასა და ბატონ კახაბერს აქტუალურ თემებზე საინტერესო შეხვედრის ორგანიზებისათვის .

            #დაიცავიკანონი

          • 🪴 II-ა კლასის მოსწავლეები გარდენიეში

          • II-ა კლასის მოსწავლეები  პედაგოგ  ეკა ლომთათიძესთან ერთად ესტუმრნენ დეკორატიულ მცენარეების პატარა სანერგე -,, გარდენიეს’’ . დაათვალიერეს  შესანიშნავი ბაღი, ნახეს იების მრავალსახეობა, დეკორატიული კომბოსტოები, ზეთისხილის მრავალსაუკუნოვანი ხეები, იაპონური კომში, ცხრაასამდე ჯიშის სუკულენტები, მაგნოლიები, თეთრი და ვარდისფერი პიონები, სხვადასხვანარი  ყვავილებითა და მცენარეებით გაკეთებული კომპოზიციები.  შემდეგ ,,გარდენიეს“ თანამშრომელმა  მოსწავლეები შეიყვანეს  სახელოსნოში,  სადაც  მომზადებული იყო ქოთნები. ბავშვებმა ქოთნები ჯერ შეღებეს,  ზედ აპლიკაციები გაუკეთეს, (დეკუპაჟი) შემდეგ ქოთნებში  ჩაყარეს მიწა, ჩარგეს ლამაზი მცენარე-კრასულა (ანუ-სიყვარულის ხე), მორწყეს და გულდასმით მოისმინეს რჩევები. 

                 მოსწავლეების ნამუშევარი ქოთნები გარდენიამ მათ საჩუქრად გადასცა.   

          • 🥇ჩემპიონატი ჭადრაკში

          • ქართულ-გერმანულ სკოლა სხივში 29 ნოემბერს გაიმართა ამოცანების ჩემპიონატი ჭადრაკში, სადაც მონაწილეობას იღებდა ჩვენი სკოლის მე-4 და მე-5 კლასის მოსწავლეები.

             

            საპრიზო ადგილები განაწილდა შემდეგნაირად:

            I ადგილი- ანასტასია მესხია, ალექსანდრე ხუნდაძე და ანდრია ვახანია

            II ადგილი- ილია ქამადაძე, რაული დალივალოვი და ელენე ჯობავა

            III ადგილი- ელენე კიკნაძე

            ვულოცავთ მოსწავლეებს გამარჯვებას, ვუსურვებთ წარმატებებს!

            პედაგოგი: ანი ჭანტურია