სიახლეები

          • დიაგნოსტიკური ტესტირება VII-XII კლასებში კომპიუტერული ტექნოლოგიების გამოყენებით

          • 3  დეკემბერიდან შპს სკოლა-ლიცეუმ ,,სხივიში“ მოსწავლეთა ცოდნისა და უნარების შემოწმების მიზნით, მიმდინარეობს  VII-XII კლასელთა დიაგნოსტიკური ტესტირება.  

            ტესტირება კომპიუტერული ტექნოლოგიების გამოყენებით სწრაფი, მოხერხებული და სანდო ინსტრუმენტია მიღებული ცოდნის შესაფასებლად.

            დიაგნოსტიკური ტესტის ჩატარების შედეგად ვადგენთ მოსწავლის ძლიერ და სუსტ მხარეებს, მიღწევებს და საჭიროებებს.

            მისი შედეგების გაანალიზება გვეხმარება სასწავლო პროცესის მომდევნო ეტაპის დაგეგმვაში: მეთოდების, დავალებების და სასწავლო რესურსების სწორად შერჩევაში.

             

          • ვირუსული ინფექციები და მათი პრევენცია

          • შპს სკოლა-ლიცეუმ ,,სხივში“ ჩატარდება შეხვედრა პროფესორ მაია ხერხეულიძესთან.თემის სათაური - "ვირუსული ინფექციები და მათი პრევენცია".მომხსენებელი: მაია ხერხეულიძე, პროფესორი. თბილისის სახელმწიფო სამედიცინო უნივერსიტეტის პედიატრიული N1 დეპარტამენტის ხელმძღვანელი.შეხვედრა წარიმართება კითხვა-პასუხის რეჟიმში.ჩატარების დრო - 06 დეკემბერი - 13:30 სთ.

          • სანიტარული დღე ,,სხივში"

          • ვირუსული ინფექციების პრევენციის მიზნით, 30 ნოემბერსა და 1 დეკემბერს  შპს სკოლა-ლიცეუმ ,,სხივში" ჩატარდა შენობის გენერალური დასუფთავება: დეზინფექცია, დეზინსექცია და დერატიზაცია,  სადეზინფექციო ხსნარების გამოყენებით.

            აღნიშნული სამუშაოების ჩასატარებლად გამოვიყენეთ საქართველოს შრომის, ჯანმრთელობისა და სოციალური დაცვის სამინისტროს მიერ რეგისტრირებული სადეზინფექციო საშუალებები.

            ვირუსული ინფექციების პრევენციის მიზნით, 30 ნოემბერსა და 1 დეკემბერს  შპს სკოლა-ლიცეუმ ,,სხივში" ჩატარდა შენობის გენერალური დასუფთავება: დეზინფექცია, დეზინსექცია და დერატიზაცია,  სადეზინფექციო ხსნარების გამოყენებით.

            აღნიშნული სამუშაოების ჩასატარებლად გამოვიყენეთ საქართველოს შრომის, ჯანმრთელობისა და სოციალური დაცვის სამინისტროს მიერ რეგისტრირებული სადეზინფექციო საშუალებები.

          • „ვისწავლოთ წელიწადის დროები, თვეები და კვირის დღეები“

          • 2

            III ბ კლასში ჩატარდა ღია გაკვეთილი გერმანულ ენაში „ვისწავლოთ წელიწადის დროები, თვეები და კვირის დღეები“ (პედაგოგი თინა ტეტელოშვილი). ბავშვებმა დახატეს საყვარელი წელიწადის დროები და წარმოადგინეს მშვენიერი ნახატები. მათ ასევე დიდი სიამოვნებით და ხალისით შექმნეს წლის კალენდარი

          • „ლეგენდა პოეტზე“

          • 1

            2018 წლის 19 ნოემბერს სკოლა-ლიცეუმ „სხივში“ ჩატარდა პოეზიის დილა - „ლეგენდა პოეტზე“, რომელიც მიეძღვნა გენიალური ქართველი პოეტის გალაკტიონ ტაბიძის 127-ე წლისთავს.მეათე - მეთერთმეტე კლასის მოსწავლეებმა (მასწავლებელი ლია მამულაშვილი) წაიკითხეს პოეტის ლექსები, ისაუბრეს მის შემოქმედებაზე, გაიხსენეს ბიოგრაფია და და დღიურები. მოსწავლეებმა და მონაწილეებმა ასევე გაიხსენეს მოგონებები დიდ პოეტზე, მოისმინეს გალკტიონის ლექსებზე შექმნილი სიმღერები, აუდიო და ვიდეო მასალა, სხვადასხვა მსახიობის მიერ წაკითხული ლექსები, ზოგიერთმა მოსწავლემ წარმოადგინა საკუთარი ჩანახატი, პროექტი. ღონისძიებას ესწრებოდნენ სკოლის დირექცია, პედაგოგები. პოეზიის დილამ ჩაიარა სასიამოვნო და საინტერესო გარემოში.

          • ბარაქიანი და ოქროსფერი შემოდგომა I ა კლასში

          •  

            დაუვიწყარი დღესასწაული აჩუქეს მასწავლებლებმა პირველკლასელებს. მოსწავლეებმა შემოდგომის დღესასწაული აღნიშნეს. მოაწყვეს შემოდგომის კუთხე. ქარვისფერი, ლალისფერი, ცეცხლისფერი ფოთლებითა და შემოდგომის ბარაქით გაწყობილ საკლასო ოთახს, რომლის ავტორები იყვნენ ეკა ლომთათიძე და ეკა ჯანაშია, აღტაცებაში მოჰყავდა დიდ-პატარა. საოცარი სურნელით იწონებდნენ თავს კომში, ვაშლი, კარალიოკი, ბანანი, კივი თუ ბროწეული. გოდრები და კალათები სავსე იყო თხილით, კაკლითა და წაბლით. მუცელგაბერილი გოგრები ამაყად წაწოლილიყვნენ ურემთან. ურემი სიმინდით სავსე კალათებითა და ყურძნის მტევნებით იყო დატვირთული. შემოდგომას უმღეროდნენ პატარები. ღონისძიებაში ჩართული იყო ყველა მოსწავლე. ქართულ ლექსებს ქართული და ინგლისური სიმღერები ცვლიდა, პედაგოგები: ანი კოტრიკაძე და ეკა აზმაიფარაშვილი. პატარების მშობლებმა სახლში მოამზადებინეს თავიანთ შვილებს ძაფზე აცმული კაკლის ლებნები. ყველაზე მხიარული და შთამბეჭდავი იყო შემოდგომისათვის დამახასიათებელი ყველასათვის საყვარელი ჩურჩხელების ამოვლება. თავს იწონებდნენ ხარიხაზე ჩურჩხელები თავიანთი შემქმნელების სახელებით. ბოლოს კი ხილი, თათარა და ჩურჩხელები დააგემოვნეს.

          • ევროპარლამენტის წევრი კლერ მუდი სკოლა-ლიცეუმ “სხივს" ესტუმრა

          • ვროპარლამენტის წევრი კლერ მუდი მუსტაფა ემრე ჩაბუქის ოჯახის წევრებს, კოლეგებსა და არასამთავრობო ორგანიზაციების წევრებს შეხვდა. სოციალ-დემოკრატების პროგრესული ალიანსის წევრი სკოლა-ლიცეუმ “სხივს” ესტუმრა.

            5

            ვროპარლამენტის წევრი კლერ მუდი მუსტაფა ემრე ჩაბუქის ოჯახის წევრებს, კოლეგებსა და არასამთავრობო ორგანიზაციების წევრებს შეხვდა. სოციალ-დემოკრატების პროგრესული ალიანსის წევრი სკოლა-ლიცეუმ “სხივს” ესტუმრა.ევროპარლამენტარმა მედიასთან საუბრისას დაკავებულის სწრაფად გათავისუფლების სურვილი გამოთქვა და აღნიშნა, რომ ევროპარლამენტი საქმის მიმდინარეობას ყურადღებით აკვირდება:“მიხარია, რომ საშუალება მომეცა, გვესაუბრა შესანიშნავ საქმეზე, რომელსაც ეს სკოლა აკეთებს, განათლებას აძლევს ახალგაზრდებს საქართველოსა და ქართულ ტრადიციებზე. მაგრამ კიდევ ერთი საკითხი, რის გამოც აქ მოვედი, ბატონი ჩაბუქის საქმეა. ევროპარლამენტი ძალიან დიდ ინტერესს გამოხატავს ამ საქმის მიმართ. გვინდა, ბატონი ჩაბუქი გათავისუფლდეს, ვიხილოთ საკუთარ ოჯახთან ერთად რაც შეიძლება მალე და განაგრძოს უდიდესი საქმიანობა, რასაც ახალგაზრდებისთვის განათლების მიცემის კუთხით აკეთებს”.

          • საქართველოს პირველ უმაღლეს სასწავლებელს 8 თებერვალს დაარსებიდან 100 წელი შეუსრულდა

          • მოგეხსენებათ, 2018-ი თბილისის ივანე ჯავახიშვილის სახელობის სახელმწიფო უნივერსიტეტისთვის საიუბილეო წელია, დამოუკიდებელი საქართველოს პირველ უმაღლეს სასწავლებელს 8 თებერვალს დაარსებიდან 100 წელი შეუსრულდა.  ამ თარიღთან დაკავშირებით სკოლა-ლიცეუმ ,,სხივის“ ისტორიისა და გეოგრაფიის პედაგოგებმა, ნათია ჩუბინიძემ და ნათია ცერცვაძემ IX-X კლასელთათვის ექსკურსია მოაწყვეს.

             

             

            1

            უნივერსიტეტი იუბილეს მოსწავლეთათვის საინტერესო პროგრამით შეხვდა, ბავშვებისთვის მოეწყო ლექცია, რომლის მეშვეობითაც ისინი სასწავლებლის დაარსების ისტორიას გაეცნეს და მიმოიხილეს ის მრავალფეროვანი პროგრამები, რომელთც თსუ დღეს მოსწავლეებს სთავაზობს.

            მასპინძლებმა სტუმრებს საშუალება მისცეს, დაეთვალიერებინათ ვაჟა-ფშაველას ოთახი, სწორედ ის, რომელშიც დიდი მგოსანი გარდაიცვალა და ახლა მუზეუმ-კაბინეტს წარმოადგენს, ასევე აჩვენეს უნივერსიტეტის მუზეუმი, სადაც უამრავი საინტერესო ნივთია გამოფენილი, რომლებიც სასწავლებლის დაარსებასთანაა დაკავშირებული.

            ბოლოს მოსწავლეებმა მოინახულეს უნივერსიტეტის რექტორების, მეცნიერებისა და აკადემიკოსების; პეტრე მელიქიშვილის, ივანე ჯავახიშვილის, ივანე ბერიტაშვილის, კორნელი კეკელიძის და სხვათა საფლავები, პატივი მიაგეს მათ ხსოვნას.

            ექსკურსიის მიზანი იყო მოსწავლეთა დაინტერესება საქართველოს ერთ-ერთი საუკეთესო უნივერსიტეტით, მისი ისტორიის გაცნობა და სწავლის მოტივაციის ამაღლება.

            http://sxivi.ge/ge/news/id/157/tbilisis-ivane-javaxishvilis-saxelobis-saxelmwifo-universitetshi
        • მობილური მოწყობილობების მომხმარებელთათვის

          • მობილური მოწყობილობების მომხმარებელთათვის

          • ძვირფასო მომხმარებელო!

            თუ თქვენ გაქვთ iPad, iPhone ,  მობილური ტელეფონი ან  ტაბლეტი Android, პროგრამა იტვირთება Google play ან Apple store - დან; ძებნის ველში იწერება EduPage და იტვირთება აპლიკაცია.

            დამატებითი ინფორმაცია იხილეთ აქ. here.

            Больше информаций here.

        • EduPage სკოლის ელექტრონული სისტემა

          • EduPage სკოლის ელექტრონული სისტემა

            1. EduPage სკოლის ელექტრონული სისტემა
              საერთაშორისოდაა აღიარებული და მსოფლიოს მასშტაბით 7000-ზე მეტ სასწავლო დაწესებულებაში გამოიყენება.... EduPage (EP) აადვილებს კომუნიკაციას სკოლასა და მშობელს, მოსწავლეს შორის. იძლევა ინფორმირებისა და აზრების გაზიარების, მოსწავლის ნიშნების, დისციპლინისა და დასწრების მდგომარეობის გაცნობის შესაძლებლობას. ქვემოთ შევეცდებით აგიხსნათ, როგორ უნდა ისარგებლოთ ამ სისტემით.

            2. როგორ ჩავტვირთოთ EP?
              EP სისტემა იტვირთება Google play ან Apple store - დან; ძებნის ველში იწერება EduPage და იტვირთება აპლიკაცია.

            3. როგორ შევდივართ სისტემაში?
              EP სისტემის ადმინისტრატორს მიეწოდება მოსწავლის მშობლის ელექტრონული ფოსტის მისამართი. ადმინისტრატორი თქვენს ელექტრონულ ფოსტაზე გამოგიგზავნით მომხმარებლის სახელსა (user name) და პაროლს (password). EP სისტემის თავში, მწვანედ აღნიშნულ Login-ს დააწკაპებთ, გამოჩნდება ორი ცარიელი ველი, პირველში ჩაწერთ თქვენს ელექტრონულ ფოსტაზე გამოგზავნილ მომხმარებლის სახელს, მეორეში კი-პაროლს; შემდეგ ისევ Login, დაელოდებით მესამე ცარიელი ველის გამოჩენას, რომელშიც პატარა ასოებით ჩაწერთ სკოლის სახელს - sxivi.3. საჭიროა თუ არა ყოველ ჯერზე პაროლის ჩაწერა?

            4. EP სისტემაში შესვლისას, ყოველ ჯერზე პაროლის ჩაწერის საჭიროება არ არსებობს, მაგრამ ტელეფონის შეცვლის ან სხვა რაიმე მიზეზის გამო, თუ ასეთი საჭიროება გაჩნდა, სახელისა და პაროლის მოძებნა შეგიძლიათ თქვენს ელექტრონულ ფოსტაში ან შეგიძლიათ სკოლის ადმინისტრაციას ახალი პაროლი სთხოვოთ.