წიგნის საჯაროდ კითხვის საერთაშორისო დღესთან დაკავშირებით მე-3 ბ კლასის მოსწავლეები ესტუმრნენ სკოლის ბიბლიოთეკას.

თანაკლასელებს წარუდგინეს თავიანთი საყვარელი წიგნი, იმსჯელეს შინაარსზე, განიხილეს პერსონაჟები და ხმამაღლა, საჯაროდ ამოიკითხეს საყვარელი წიგნის თითო აბზაცი.

ესამეკლასელებმა სასკოლო ბიბლიოთეკაში საკუთარი სურვილით შეარჩიეს წიგნები — ქართული ხალხური ზღაპრები და წაუკითხეს თანაკლასელებს. წაკითხვის შემდეგ ბავშვებმა ისაუბრეს წაკითხულ ზღაპრებზე დაასახელეს ყველაზე მეტად რომელი ზღაპარი მოეწონათ და რატომ? დაახასიათეს პერსონაჟები, აღნიშნეს მათთვის საინტერესო ეპიზოდები და ხელოვნების გაკვეთილზე შექმნეს ილუსტრაციები.

წიგნის საჯაროდ კითხვა რამდენიმე დღის განმავლობაში დაიგეგმა კლასში. მომდევნო დღეებში მშობლებიც შემოგვიერთდებიან.

„წიგნის საჯაროდ კითხვის მსოფლიო დღე“ მსოფლიოში ცნობილი ღონისძიებაა და მას ყოველწლიურად მსოფლიოს 100-ზე მეტ ქვეყანაში აღნიშნავენ.

საქართველოს წიგნის გამომცემელთა და გამავრცელებელთა ასოციაცის მიზანია, საქართველო შეუერთდეს ამ საერთაშორისო ინიციატივას და ქართულ-გერმანული სკოლა სხივის მეორეკლასელებმა გადაწყვიტეს ჩართულიყვნენ ამ გამოწვევაში .მათ წაიკითხეს წიგნები ხმამაღლა. ჩვენი დევიზია :"წავიკითხოთ წიგნები,უკეთესნი ვიქნებით " !

31 იანვრიდან, ფუნქციონირებას იწყებს  გერმანული ენის წრე  დამწყებთათვის ( A 1 დონე )
მეცადინეობი ჩატარდება სამშაბათს და ოთხშაბათს  15:15 სთ -დან 16: 15 სთ-მდე 
გერმანული ენის წრე ფასიანია და მისი ღირებულებაა თვეში 50 ლ . 
პედაგოგი ნათია ჟღენტი.
დამატებითი ინფორმაციისათვის მსურველებმა მიმართეთ დამრიგებლებს . 

   ასევე სკოლაში მოქმედი საშაბათო სკოლის მომსახურეობა, მშობელთა სურვილის გათვალისწინებით,  ხელმისაწვდომი გახდა  მე-7 კლასის მოსწავლეებისთვისაც.
 შეგახსენებთ, რომ შაბათის სკოლა მომსახურეობას უწევს მათ ვისაც მათემატიკურ/ტექნიკური ინგლისური ტერმინოლოგიის სწავლის სურვილი აქვს. შაბათის სკოლაში რეგისტრაცია მოხდება ტესტირების შედეგად მათემატიკასა და ინგლისურში.
მეცადინეობები ჩატარდება  შაბათობით 3 სააათზე . 
საშაბათო სკოლის მომსახურეობა არის უფასო. 
 მასწავლებელი ჰუსეინ ჩეფიქი.
 

 VII ა კლასის მოსწავლეები სტუმრად საქართველოს ეროვნულ მუზეუმში

მე-3 ბ კლასის მოსწავლეებმა მაყურებლის წინაშე წარადგინეს სპექტაკლი „საშობაო ზღაპარი“.

მათ საზეიმოდ, საშობაო სიმღერებითა და ცეკვებით დაასრულეს სასწავლო წლის პირველი სემესტრი.

მოსწავლეთათვის დღე შთაბეჭდილებებით სავსე აღმოჩნდა.

დამრიგებელი: თამარ გურგენიძე

ახალი წლის დადგომას ბავშვები მხიარულად ელიან, რადგან სჯერათ, რომ შეიძლება სასწაული მოხდეს და მათი ოცნება ახდეს.

ფერიები, თოვლის ბაბუა, სანტა... ეს პერსონაჟები ბავშვების განუყრელი ნაწილი და ჯადოსნური მეხსიერებაა.

მეორეკლასელები მშობლებთან ერთად ესტუმრნენ შალვა ძნელაძის მუზეუმს, სადაც ბუხართან მჯდომი თოვლის ბაბუა პატარებს საახალწლო საჩუქრებით სავსე ხურჯინით ელოდებოდა. მიღებულმა საჩუქრებმა ბავშვები ძალიან გაახარა. გახარებული ბავშვები ერთმანეთს ხალხური სიმღერების, ცეკვასა და ლექსების თქმაში ეჯიბრებოდნენ. მათ არც მშობლები ჩამორჩნენ. მათთვის მომზადებულ კითხვებს პასუხობდნენ, მღეროდნენ, ცეკვავდნენ... გამარჯვებული ჯგუფები დაჯილდოვდნენ.

გერმანული პედაგოგმა თეკლა კაპანაძემ IVა კლასში დადგა სპექტაკლი ვოლფგანგ ამადეუს მოცარტის „ჯადოსნური ფლეიტა“ („Die Zauberflöte”), მოსწავლეებმა მოირგეს სხვადასხვა პესონაჟის როლი და გაითამაშეს სიუჟეტი. იმღერეს ოპერის ერთ-ერთი მთავარი სცენის არია „Das klinget so herrlich”. სპექტაკლი ორ ენაზე გერმანულ და ქართულ ენაზე მიმდინარეობდა. სპექტაკლმა მაყურებლის დიდი მოწონება დაიმსახურა.

Iა კლასის მოსწავლეებმა მაყურებლის წინაშე წარადგინეს სპექტაკლი ,,საახალწლო ნატვრა“

პატარებმა ლექსებით და სიმღერებით გაალამაზეს ღონისძიება. სპექტაკლის დასასრულს, თოვლის ბაბუამ საჩუქრებით გაახარა პატარები. პირველკლასელებისთვის სასწავლო წლის I სემესტრი მხიარულად დასრულდა.

 2022 წლის  27 დეკემბერს  III –ა კლასის  მოსწავლეებმა მაყურებლის წინაშე  წარადგინეს საახალწლო სპექტაკლი „გადარჩენილი ნაძვის ხე“. 

 მესამეკლასელები  დიდი ენთუზიაზმითა და მონდომებით ემზადებოდნენ მაყურებელთან შესახვედრად, ამზადებდნენ მარტივ დეკორაციებს, მართავდნენ რეპეტიციებს, მუშაობდნენ მეტყველების დახვეწაზე. 

    წარმოდგენის დასრულების შემდეგ მესამეკლასელებმა  გაითამაშეს „საიდუმლო სანტა“, რაც სახალისო  აღმოჩნდა მათთვის.

                ღონისძიების მიზანი იყო:

• საახალწლო განწყობის შექმნა;
• თვალსაწიერის გაფართოება;
• ბუნების დაცვის აუცილებლობაზე და მნიშვნელობაზე ყურადღების გამახვილება;

•  ბუნების დაცვის საქმეში თითოეული ადამიანის  წვლილის შეტანის აუცილებლობაზე მოსწავლეების დაფიქრება;
• მუშაობა მეტყველების  დახვეწაზე;
• სპექტაკლის  წარდგენა მაყურებლის წინაშე.

ქართულ-გერმანულ სკოლა სხივში გერმანულ ენაში ჩატარდა შიდა სასკოლო ტური. პირველ ტურში გაიმარჯვა 8 მოსწავლემ, ხოლო მე-2 ტურში გამოვლინდნენ I-IV ადგილის მფლობელები.

პარალელურად მოსწავლეები გერმანული ენის მასწავლებლის მიერ ჩართულები იყვნენ გოეთეს ინსტიტუტის აქტივობაში სახელწოდებით ,,Superkraft Deutsch“, ,,გერმანული სუპერძალა“.

მოსწავლეები დაჯილდოვდნენ გოეთეს ინსტიტუტისა და სკოლის მიერ შერჩეული საჩუქრებით.

აღნიშნული პროექტები ხელს უწყობს მოსწავლეებში სწავლის მოტივაციის ამაღლებას და გერმანული ენის საფუძვლიანად შესწავლას.

ვულოცავთ ჩვენ მოსწავლეებს გამარჯვებას და წარმატებებსა და მიზნების მიღწევას ვუსურვებთ!

გერმანული ენის მასწავლებელი : ნათია ჟღენტი

ქართულ-გერმანულმა სკოლამ საახალწლო განწყობა გასართობი აქტივობით აიმაღლა. 

დირექციის ინიციატივითა და ხელშეწყობით მასწავლებლები კათედრების მიხედვით დაჯგუფდნენ და ერთმანეთს შეეჯიბრენ სხვადასხვა თამაშში, მხიარულად და გულდასმით ასრულებდნენ ღონისძიების წამყვანის საინტერესო მითითებებს. აქტივობა საკმაოდ ხალისიანი და დასამახსოვრებელი იყო. ბოლოს კი მონაწილეებმა ერთმანეთს საიდუმლო სანტების ვინაობაც გაუმხილეს და საჩუქრები გაცვალეს.

#2023წელი

#ჩვენერთადვართყოველთვის

#გადამდებიემოციებითადაღიმილით

#ქართულგერმანულისკოლის

#გუნდი

#გილოცავთდამდეგშობაახალწელს

მე-5 ა/ბ კლასი და დამრიგებელი ლელა ხათრიძე ყველას გილოცავთ დამდეგ შობა-ახალ წელს!

გისურვეთ სიუხვეს, სიკეთეს, ბევრ ღიმილს, სიძლიერეს, სიბრძნესა და გონიერებას!

22 დეკემბერს, მე-7 ა და მე-7 ბ კლასებში ჩატარდა ვიქტორინა,რომლის მიზანი იყო მოსწავლეების ზოგადი ცოდნის შემოწმება ინგლისურ ენაზე და ჯგუფური მუშაობის უნარის განვითარება.

ვიქტორინა მოიცავდა როგორც შემეცნებით შეკითხვებს ასევე, სახალისო საშობაო გამოცანებს, სიმღერებს და ლექსს. ვიქტორინის ბოლოს გამოვლინდა გამარჯვებული ჯგუფი.

მასწავლებლები:შორენა შალიკაშვილი და ნათია მარშანია

ჩვენს სკოლაში სტუმრად იმყოფებოდა საქართველოში ევროკავშირის წარმომადგენლობის პოლიტიკის, პრესისა და ინფორმაციის განყოფილების უფროსის მოვალეობის შემსრულებელი ქალბატონი ევია კოტანი.

ქალბატონმა ევიამ IX-XII კლასის მოსწავლეებთან შეხვედრისას ისაუბრა თემაზე : ადამიანებების უფლებები, საქართველოში ევროკავშირის მისიის როლი, საკუთარი გამოცდილების გაზიარება.

საუბრის თემამ დიდი ინტერესი გამოიწვია მოსწავლეებში.

მოსწავლეების მხრიდან თითოეულ დასმულ შეკითხვას გაეცა ამომწურავი პასუხი, შედგა საინტერესო დისკუსია.

შეხვედრა წარიმართა ინგლისურ ენაზე.

ქართულ-გერმანული სკოლა სხივი აცხადებს ვაკანსიას სამზარეულოს პერსონალის პოზიციაზე.

სამუშაო საათები: 09:00 - 17:00.

ანაზღაურება - 625 ლარი

დაინტერესების შემთხვევაში გთხოვთ დაგვიკავშირდეთ: 2596701, 577546696

მის.: დიღმის სასწავლო საცდელი მეურნეობა, ნაკვეთი 368 (ე.წ. მუხათგვერდის სამანქანო ხიდთან).

ვულოცავთ ჩვენი სკოლის  ფეხბურთის გუნდს, მინი ფეხბურთის სასკოლო ლიგის, VI ტურის შეხვედრაში გამარჯვებას ! 

წარმატებები ჩვენ ფეხბურთელებს! 

პროექტის მიზანია მასობრივი სპორტის განვითარების ხელშეწყობა და სკოლებში ჯანსაღი ცხოვრების წესის პოპულარიზაცია.

სასკოლო ლიგის შესახებ ყველა ინფორმაცია (სტატისტიკა, მატჩების განრიგი, ფოტო და ვიდეო მასალა) შეგიძლიათ იხილოთ საიტზე: https://sfl.ge/ka

#მინიფეხბურთი

#სასკოლოლიგა2023

#როდესაცსპორტიცვლისსამყაროს

#ჩვენვირჩევთთანასწორობას რა არის ტოლერანტობა?

ვის შეუძლია განსხვავებული კულტურისა და ღირებულებების მქონე ადამიანებთან მშვიდობიანი ურთიერთობის დამყარება? როგორ უნდა აღიქვას ადამიანმა მისგან განსხვავებული ადამიანი? რა არის მშვიდობიანი თანაცხოვრებისათვის აუცილებელი? სწორედ ამ მნიშვნელოვან კითხვებს გასცეს პასუხი ქართულ-გერმანული სკოლის მე-8 და მე-9 კლასის მოსწავლეებმა პასუხი. წარმოადგინეს პრეზენტაციები, იმსჯელეს ტოლერანტ და არატოლერანტ ადამიანებზე, გამოთქვეს საკუთარი აზრი და დააფიქსირეს თავიანთი პოზიციები. ბოლოს კი შეჯერდნენ რომ:

#ტოლერანტობა შენგან გასხვავებული ადამიანის პატივისცემა და მისი თანასწორად აღქმაა. #ტოლერანტობა არის ის, რომ არ გააკრიტიკო ან მტრულად არ იყო განწყობილი იმისადმი, რაც განსხვავებულია, უცნაური ან შენთვის უცნობი.

#ტოლერანტობა ადამიანის ცხოვრების წესია, როცა მან იცის საკუთარი თავისუფლების ფასი და აღიარებს სხვის თავისუფლებასაც.

#ტოლერანტობა მშვიდობიანი და ჰარმონიული თანაცხოვრების აუცილებელი პირობაა.

მასწავლებლები: ანა ჩინჩალაძე ლელა ხათრიძე